IND vs ZIM: नवा कर्णधार अन् नव्या हेड कोचसह टीम इंडिया झिम्बाब्वे दौऱ्यासाठी रवाना! पाहा PHOTO

आयसीसी टी-२० वर्ल्डकप स्पर्धेतील फायनलमध्ये भारतीय संघाने दक्षिण आफ्रिकेला धुळ चारली. यासह दुसऱ्यांदा जेतेपदावर नाव कोरलं. या स्पर्धेनंतर भारतीय युवा खेळाडूंचा संघ झिम्बाब्वेविरुद्ध दोन हात करताना दिसून येणार आहे.

या दौऱ्यासाठी भारतीय खेळाडू झिम्बाब्वेला जाण्यासाठी रवाना झाले आहेत. ज्याचे फोटो भारतीय संघाच्या सोशल मीडिया अकाऊंटवरुन शेअर करण्यात आले आहेत.

राहुल द्रविड यांचा मुख्य प्रशिक्षकपदाचा कार्यकाळ नुकताच संपन्न झाला आहे. तर नव्या मुख्य प्रशिक्षकाची नियुक्ती झालेला नाही. त्यामुळे व्हीव्हीएस लक्ष्मण मुख्यप्रशिक्षकाच्या भूमिकेत असणार आहेत.

या मालिकेतून अनुभवी खेळाडूंनी विश्रांती देण्यात आली आहे. तर युवा खेळाडूंना या संघात स्थान दिलं गेलं आहे.

भारतीय संघाच्या सोशल मीडिया अकाऊंटवरुन भारतीय संघातील खेळाडू विमानातून प्रवास करत असल्याचे फोटो शेअर केले आहेत.

या संघात आयपीएल २०२४ स्पर्धेत दमदार कामगिरी करणाऱ्या खेळाडूंना स्थान देण्यात आलं आहे.

या संघाची जबाबदारी युवा भारतीय फलंदाज शुभमन गिलकडे सोपवण्यात आली आहे.