Aadesh- Suchitra Bandekar Lovestory: ५० रुपयांत पळून जाऊन लग्न ते ३० वर्षांचा सुखी संसार; अशी आहे आदेश आणि सुचित्रा बांदेकर यांची प्यारवाली लव्हस्टोरी

आदेश बांदेकर आणि सुचित्रा बांदेकर हे मराठी चित्रपटसृष्टीतील लोकप्रिय आणि आदर्श कपल म्हणून ओळखले जाते. आदेश आणि सुचित्रा यांची लव्हस्टोरी खूपच रंजक आहे.

सुचित्रा रथचक्र या मालिकेत काम करत होत्या. मालिकेच्या सेटवरच आदेश यांनी सुचित्राला पाहिले आणि त्यांच्या प्रेमात पडले.

आदेश यांनी सुचित्राचा अनेक दिवस पाठलाग केला होता. परंतु सुचित्राने मात्र त्यांना नकार दिला होता. एकदा सुचित्रा आदेश यांना भेटायला घरातून निघाल्या परंतु भीतीपोटी त्या आदेश यांना भेटल्याच नाही.

आदेश यांनी खूप वेळ त्यांची वाट पाहिली. परंतु शेवटी ते सुचित्रा यांच्या घरी गेले. आदेश यांना घरी पाहून सुचित्रा यांना धक्काच बसला. त्यावेळी सुचित्रा यांच्या आईला बाहेर जायचे होते. आदेश यांनी त्यांना बसस्टॉपर्यंत सोडवले.

त्यानंतर आदेश पुन्हा सुचित्रा यांच्या घरी गेले. त्यांनी सुचित्राला विचारले की, मला हो तर हो नाहीतर नाही सांग. मी तुला पुढचे पाच मिनटे देतो.

त्यानंतर सुचित्राने आदेश यांना होकार दिला. सुचित्रा आणि आदेश यांच्या लग्नाला कुटुंबाचा खूपच विरोध होता.

आदेश हे त्या काळात स्ट्रगल करत होते म्हणून सुचित्रा यांच्या घरच्यांना हे लग्न मान्य नव्हते. त्यामुळे सुचित्रा आणि आदेश यांनी पळून जाऊन लग्न केले. त्यांच्या लग्नाला फक्त ५० रुपयांचा खर्च आला होता.