Gauri aagman 2024 : सोन्याच्या पावलांनी गौराई आली घरोघरी

वाजतगाजत आज घरोघरी गौरींचे आगमन झाले. घर चैतन्य, आनंदाने न्हाले, सुख, समाधान, शांती, आनंद घेऊन गौरी आली, गणपती पाठोपाठ घराघरांत गौरींचे वायकर कुटुंबांच्या घरी आगमन झाले आहे.

समृद्धीची पावलं घेऊन आलेल्या गौरींचे मावळच्या ग्रामीण भागात आज सकाळपासूनच घरोघरी उत्साहात पूजन करण्यात आले. काही ठिकाणी मुखवट्याच्या उभ्या गौरीला साडी-चोळी व दागदागिन्यांनी मढवण्यात आले.

गौरीला पंचपक्वान्नांचा नैवेद्य दाखवण्यात आला. गौरीच्या स्वागतासाठी रांगोळीने लक्ष्मीची पावले उमटविली गेली. त्यावर हळद-कुंकू वाहण्यात आले.

उंब-यात ठेवलेले धान्याचे माप गौरीने ओलांडले. प्रथेनुसार गौरींना घरात आल्यावर वाजतगाजत सगळीकडे नेण्यात आले.

गौरीनिमित्त घराघरांमध्ये नेत्रदीपक आरास करण्यात आली.

तर मावळ मध्ये महिलानी गौरी आगमन झाल्यावर पारंपारीक खेळ खेळत, गाणी गात आनंद व्यक्त केला.