Priya Marathe : प्रिया मराठेचं कॅन्सरमुळे निधन; ‘या सुखांनो या’पासून ‘पवित्र रिश्ता’ पर्यंत मालिकांचा प्रवास संपला

मराठी सिनेक्षेत्रातली प्रसिद्ध आणि लोकांच्या मनावर विविध भुमिकांनी राज्य करणारी अभिनेत्री पडद्याआड गेली.

अभिनेत्री प्रिया मराठे हिचं कर्करोगाच्या उपचारादरम्यान निधन झाले.

वयाच्या अवघ्या ३८व्या वर्षी श्वास सोडला आणि सिनेक्षेत्रात शोककळा पसरली.

अ परफेक्ट मर्डर या कथेवर आधारित नाटकात प्रिया मराठेने महत्वाची भूमिका साकारली होती.

मराठी मालिकांमध्ये २००५मध्ये या सुखांनो या या मालिकेतून पदार्पण केले.

पुढे चार दिवस सासूचे,तू तिथे मी, स्वराज्यरक्षक संभाजी, येऊ कशी कशी मी नांदायला या मराठी मालिकांमध्ये प्रिया मराठेने काम केले.

कसम से, पवित्र रिश्ता, बड़े अच्छे लगते हैं, उतरन, साथ निभाना साथिया या हिंदी मालिकांमध्ये काम केले होते. नुकतीच प्रिया मराठेने ‘तुझेच मी गीत गात आहे’ या मालिकेला निरोप घेतला होता.