Delhi Blast: दिल्लीत शक्तीशाली स्फोट, आगीचे लोळ, धुराचे लोट; रस्त्यावर रक्ताचा सडा, हादरवून टाकणारे PHOTO

दिल्ली सोमवारी संध्याकाळी भयंकर स्फोटाने हादरली. दिल्लीतल्या लाल किल्ल्यासमोर एका कारमध्ये स्फोट झाला.

कारमध्ये झालेला स्फोट इतका मोठा होता की आसपासचा संपूर्ण परिसर आवाजाने हादरला. सर्वजण घाबरून इकडे तिकडे पळू लागले.

स्फोटानंतर कारला भीषण आग लागली. या स्फोटानंतर आसापसच्या अनेक वाहनांनी देखील पेट घेतला. त्यामुळे परिसरात धुराचे लोट आणि आगीच्या ज्वाळा पाहायला मिळाल्या.

या स्फोटाच्या घटनेमध्ये ८ जणांचा मृत्यू झाला. तर २४ जण गंभीर जखमी झाले आहेत.

स्फोटाची ही घटना ६ वाजून ५५ मिनिटांनी घडली. त्यावेळी लाल किल्ला परिसरात मोठी गर्दी होती. वर्दळीच्या परिसरात ही घटना घडल्याने एकच खळबळ उडाली.

हा स्फोट नेमका कशामुळे झाला याची माहिती अद्याप समोर आली नाही. घटनास्थळी दिल्ली पोलिसांनी धाव घेतली असून तपास सुरू केला आहे.

घनटास्थळी दिल्ली पोलिस, अग्निशमन दलाचे जवान दाखल झाले आहे. बचावकार्य आणि आग विझवण्याचे प्रयत्न सुरू आहेत.

या घटनेमध्ये जखमी झालेल्या सर्वांना रुग्णवाहिकेतून आसपासच्या रुग्णालयात दाखल केले आहे. जखमींमधील अनेकांची प्रकृती गंभीर आहे.