Andhericha Raja: अंधेरीच्या राजाची पहिली झलक, मुखदर्शन; गणेशभक्तांसाठी ड्रेस कोडचे बंधन

पश्चिम उपनगरातील अंधेरी येथील आझाद नगर सार्वजनिक उत्सव मंडळ यंदा 60 वर्षी गणेशोत्सव साजरा करत आहे.

आज अंधेरीच्या राजाचे पहिली झलक मुखदर्शन सोहळा पार पडला. देशातील प्रसिद्ध मंदिरांचा देखावा बनवण्यासाठी अंधेरीचा राजा गणेशोत्सव मंडळ प्रसिद्ध आहे.

यावर्षी मंडळाकडून गुजरात येथील सारंगपूर कष्टभंजन देव हनुमान मंदिराचा भव्य देखावा उभारला आहे.

यावर्षी मंडळाने दर्शन घेण्यासाठी येणाऱ्या भाविकांसाठी ड्रेस कोडचे बंधन घातले आहे. शॉर्ट कपडे घालणाऱ्या भाविकांना दर्शनासाठी परवानगी नाकारण्यात येणार आहे.

शॉर्ट कपडे घालून आलेल्या भक्ताला मंडळाकडून शॉल आणि लुंगी दिली जाईल. त्यानंतरच त्याला दर्शनाचा लाभ घेता येणार आहे. संपूर्ण माहिती मंडळाचे प्रमुख मार्गदर्शक शैलेश फणसे यांनी दिली. मंडळाच्या या निर्णयामुळे वादंग निर्माण होण्याची शक्यता आहे.