Horoscope Today : स्वतःचे अस्तित्व वेगळेपणाने जाणवेल, दिवसभरात भाग्यकारक घटना घडतील; तुमची रास कोणती?

आजचे पंचाग

शुक्रवार,८ नोव्हेंबर २०२४,कार्तिक शुक्लपक्ष.

तिथी-सप्तमी २३|५७

रास- मकर

नक्षत्र-उत्तरषाढा

योग- शूल ०८|२७

गंड-३०|३८

करण- गरज

दिनविशेष-शुभदिवस

मेष - कामासाठी प्रवास, भटकंती, वणवण, त्रास या सगळ्या गोष्टी आज संभवत आहेत. पण आपल्या वरिष्ठांच्या कडून त्याचे विशेष कौतुक होईल. आपले कामाचे योगदान आपल्याला एक वेगळ्या उंचीवर नेऊन ठेवेल.

वृषभ - कलासक्त आयुष्य असावे असे वाटेल. लक्ष्मी उपासना विशेष फलदायी ठरेल. निसर्गरम्य ठिकाणी सहलीचे योग येतील. आजूबाजूच्या लोकांच्या सहकार्यामुळे भाग्यकारक घटना घडतील.

मिथुन- प्रेमात अपयश मिळेल. मनस्थिती खराब राहील. स्वतःला थोडे बदलावे लागेल. आपल्यासारखे जग चांगले नसते हे जाणवेल. तरी सुद्धा आजच्या दिवसात आपल्यातील खिलाडू वृत्ती जागृत ठेवा.

कर्क - जोडीदाराबरोबर बद्दल अभिमान वाटावा अशा काही गोष्टी आज घडतील. एकमेकांची मान उंचावेल असे प्रेम राहील. आयुष्यामध्ये सुसंधी येतील. त्याचे सोने करा.

सिंह- मामा कडून विशेष फायदा होण्याचा आजचा दिवस आहे. त्याचबरोबर अडचणीही काही आहेत. आपल्या वस्तू, जिन्नस सांभाळा. नोकर वर्गापासून सावधगिरी बाळगावी.

कन्या - विशेष विष्णू उपासना आज फळाला येईल. जप,मंदिरामध्ये दर्शन या गोष्टी करा. पैशांमध्ये वाढ होईल. धन संचय चांगला राहील. कलेला प्रेरित दिवस आहे.

तुळ- गृहसौख्य, वाहनसौख्य, मातृसौख्य या दृष्टीने दिवस चांगल्या गोष्टी देणारा आहे. आपल्या मार्गाने जात राहा. प्रेमाने इतरांच्या सर्व गोष्टी करा. समाधान भंग झाले तरी होऊ देऊ नका.

वृश्चिक - लहान प्रवास घडतील. प्रवासामध्ये अडचणी येऊन ठेपतील. पण यावर मात कराल. आपल्यातला एक वेगळा आयाम तुम्हाला भारून टाकेल. दिवस भारलेला राहील.

धनु - गोडधोडाच्या पंगती उठतील.कुटुंबीयांमध्ये एखादे छोटे कार्य घरामध्ये पार पडेल. पाहुण्यांची ऊठबस राहील. ठरलेल्या गोष्टी सहज पार पडतील.

मकर - उदासी आणि मरगळ आज झटकून टाका. नवीन काहीतरी कपडे किंवा अलंकार खरेदी होईल. स्वतःचे अस्तित्व वेगळेपणाने जाणवेल. अंर्तमग्न व्हाल.

कुंभ - अनाठही पैसा खर्च होईल. काही मुद्द्यांवर इतरांशी विनाकारण वाद होतील. स्वतःची वाणी जपा तर जीवनाचा ताल तुम्हाला जपेल.

मीन - मित्रांच्या सहकार्याने मन भरून येईल. वेळेला अडचण असेल तरीसुद्धा कोणाची तरी मदत होईल. प्रेमामध्ये लाभ आहेत. तर लाभातच प्रेम आहे. या दोन्ही गोष्टी आज जाणवतील.