Thursday Horoscope : मनासारख्या गोष्टी घडणार,हित शत्रूंवर मात कराल; ५ राशींच्या लोकांची यशाची कमान वाढती राहणार

आजचे पंचांग

गुरुवार,१७ जुलै २०२५,आषाढ कृष्णपक्ष,कालाष्टमी,करिदिन.

तिथी-सप्तमी १९|१०

रास-मीन २७|३९ नं. मेष

नक्षत्र-रेवती

योग-अतिगंड

करण-विष्टीकरण ०८|०८

बवकरण १९|१०

दिनविशेष-करिदिन

मेष - वाहनांपासून आज काळजी घ्यावी लागेल. जपून व्यवहारही करावे लागतील. विनाकारण तापटपणा वाढवून अंगावर संकटे ओढवून घ्याल. हे लक्षात ठेवा.

वृषभ - आपले कोण आणि परके कोण याची आज विशेष जाणीव होईल. प्रियजनांचा सहवास लाभेल. ठरवलेल्या गोष्टी तशाच होतील. मनोरंजनाकडे विशेष कल राहील. अनेक लाभ होतील.

मिथुन - गुंतवणुकीचे प्रस्ताव, वाहनांशी निगडित क्रयविक्रय प्रॉपर्टीचे व्यवहार अशा गोष्टी आज सामोर येतील. तसेच सामाजिक राजकीय क्षेत्रात चांगली घोडदौड राहील.

कर्क - दैनंदिन कामे मार्गी लागणार आहेत. आर्थिक क्षेत्रामध्ये सुसंधी लाभेल. शिव उपासना विशेष फलदायी ठरेल. तीर्थक्षेत्री भेट देण्याचेही योग येतील.

सिंह - आरोग्याच्या तक्रारी जाणवतील. एकटेपणाची भावना होईल. महत्त्वाचे निर्णय आज नकोत. शक्यतो पुढे ढकललेले बरे.

कन्या - मानसिक स्वास्थ आणि समाधान मिळेल. तुमच्या सल्ल्याने इतर लोक पुढे जातील. त्यांच्यावर तुमचा विशेष प्रभाव राहील. व्यवसायात प्रगतीपथावर राहाल.

तूळ - वेळ आणि पैसा वाया जाईल असे वाटते आहे. उगाच मोठ्या उड्या आज नकोतच. हित शत्रूंवर मात करून पुढे जाल. तब्येत मात्र सांभाळा.

वृश्चिक - मन आनंदी आणि आशावादी राहणार आहे. नव्या नव्या गोष्टी मनामध्ये येतील. बुद्धी त्या पद्धतीने कामही करेल. संतती बरोबर खेळीमेळीच्या वातावरणामुळे आज मन भरून पावेल.

धनु - एखादी महत्त्वाची जबाबदारी अंगावर येईल. नोकरी व्यवसाय यामध्ये समाधानकारक स्थिती राहणार आहे. मातृसौख्य उत्तम असेल.

मकर - व्यवसायात वाढ होईल. कौटुंबिक जीवनामध्ये सुसंवाद साधाल. भावंडे बहिणी भाऊ यांबरोबर महत्त्वाच्या गोष्टींवर निर्णय होतील. यांच्या पाठिंबामुळे पुढे जाल.

कुंभ - घरी पाहुण्यांची ऊठबस होईल. मनासारख्या गोष्टी घडणार आहेत. असा आजचा दिवस आहे. मनासारखे धनयोग आहेत. स्वास्थ आणि समाधान दोन्हीमुळे मिळाल्यामुळे दिवस सुखकर जाईल.

मीन - जे काम हाती घ्याल त्यामध्ये आज यश मिळेल. यशाची कमान वाढती राहील. इतरांनी केलेले कौतुक यामुळे इंचभर छाती वाढेल. आत्मविश्वासाने पुढे जाल.