Sunday Horoscope : मनासारख्या गोष्टी घडणार; ५ राशींच्या लोकांवर लाडक्या गणरायाची कृपा होणार, वाचा रविवाराचं राशीभविष्य

आजचे पंचांग

रविवार,३१ ऑगस्ट२०२५,भाद्रपद शुक्लपक्ष,दुर्गाष्टमी, गौरी आवाहन.

तिथी- अष्टमी २४|५८

रास- वृश्चिक

नक्षत्र-अनुराधा

योग-वैधृति

करण-विष्टीकरण

दिनविशेष-वैधृति वर्ज्य

मेष - आपल्याच वर्तणुकीमुळे आपल्या पायावर स्वतःच धोंडा पाडून घेतल्यासारखा आजचा दिवस आहे. अडथळे आले असे म्हणण्यापेक्षा त्यातून मार्ग काढणे आज गरजेचे आहे. अचानक धनलाभ होईल.

वृषभ - कला मनोरंजन क्षेत्रामध्ये विशेष आघाडीवर रहाल. कामे तर होतीलच पण आनंदाने सहभाग घ्याल. फायदा संभवतो आहे.

मिथुन - खोकल्याचे आजार, जुना दमा, मानसिक ताण त्रास याच्यामुळे काही जणांना त्रास संभवतो आहे. गुप्त शत्रू यांच्या कारवाया वाढतील. सतर्क राहणे आज गरजेचे आहे .

कर्क - आज गौरी आवाहनाचा दिवस आहे. शिव - गौरी उपासना आज आपल्यासाठी फलदायी ठरेल. गौरी आगमना बरोबरच धनाचे आगमन सुद्धा आपल्या राशीला होणार आहे.

सिंह - एखादी मोठी जबाबदारी अंगावर घेऊन कामे करावी लागतील. कुटुंबीयांचे सहकार्य असेलच. सणासुदीच्या दिवसात घरामध्ये सुशोभन, धार्मिक कार्य आणि धावपळ होणार आहे.

कन्या- वक्तृत्व क्षेत्रात आपली कामगिरी बहरणार आहे. शेजाऱ्यांचे सहकार्य मिळेल. प्रेमळ भावंडांच्या बरोबरीने आजचा दिवस सुखाचा जाईल. प्रवासातून फायदा होईल.

तूळ - व्यवसायामध्ये अडचणी उद्भवण्याची शक्यता आहे. मात्र कुटुंबीयांचे सहकार्य चांगले राहील. घरी पाहुण्यांची मांदयाळी असेल. स्नेहभोजनाचे योग येतील.

वृश्चिक - मनासारख्या गोष्टी आज घडणार आहेत. ठरवाल ते करायलाच.उत्तम आयोजन आणि नियोजन यामुळे यश मिळेल. सकारात्मकता वाढीस लागेल.

धनु - काही वेळेला निर्णय घेताना द्विधा मनस्थिती होते. आजचे निर्णय मात्र काळजीपूर्वक घ्यावेत. काही गोष्टी अंगलट येण्याची शक्यता आहे. मोठे प्रवास होतील.

मकर - जुने मित्र भेटतील. गप्पांमध्ये वेळ चांगला जाईल. कामाच्या ठिकाणी धनाची आवक चांगली राहील. एकूण दिवस सुख घेऊन आला आहे.

कुंभ - सामाजिक क्षेत्रात आणि राजकारणामध्ये आज आघाडीवर रहाल. आपल्या सहकाऱ्यांच्यामुळे प्रगती होण्याचा दिवस आहे. संशोधनात्मक कार्य आपल्याकडून घडेल.

मीन - सद्गुरूंची कृपा आपल्यावर राहणार आहे. दानधर्म, धार्मिक कार्यामध्ये पुढाकार घ्याल. मनस्थिती चांगली राहील. सत्वगुण वृद्धिंगत होतील.