Sunday Horoscope : लाईफ पार्टनरशी वाद-विवाद होण्याची शक्यता; ५ राशींच्या लोकांना सतर्क राहावे लागेल

पंचांग

रविवार,२८ डिसेंबर २०२५,पौष शुक्लपक्ष,दुर्गाष्टमी, शाकंभरी देवी उत्सवारंभ.

तिथी-अष्टमी १२|००

रास-मीन

नक्षत्र-उत्तराभाद्रपदा

योग-वरीयान

करण-बवकरण

दिनविशेष-चांगला दिवस

मेष - काहीतरी गडबडीच्या घटना घडतील असा दिवस सांगतो आहे. उतावळेपणा त्रासदायक ठरू शकेल. निर्णय घेताना योग्यच घ्या. वाहनांपासून धोका संभवतो आहे. काळजी घ्या .

वृषभ - प्रेमामध्ये सारं काही अलबेल चालू आहे असे वाटत असताना "दुधात मिठाचा खडा" पडेल. प्रियकरा बरोबर थोडीशी वाद-विवाद होण्याची शक्यता आहे. आपल्या राशीचा गुण गोड बोलण्याचा असल्यामुळे आज तुम्ही समोरच्याला समजून घेतल्यामुळे दिवस चांगला जाईल.

मिथुन - सामाजिक क्षेत्र आणि वक्तृत्व यांचा खूप जवळचा संबंध आहे. आपल्या बोलण्यामुळे इतरांना आपलेसे कराल. कामाच्या ठिकाणी सहकाऱ्यांच्या बरोबर खांद्याला खांदा लावून काम कराल.

कर्क - प्रेमामध्ये गहिरे पण येईल. संतती सौख्य, नातवंड सौख्य यासाठी दिवस चांगला आहे. उपासनेच्या माध्यमातून काहीतरी चांगले घडेल. चांगल्या वार्ता कानी येतील.

सिंह - मोडेन पण वाकणार नाही असा आपला बाणा आहे आज मात्र इतके कुणात गुंतूच नका की ज्याच्यामुळे त्रास होईल. "आपण भले, आपले काम भले" असा दिवस काढल्यास कामे सुरळीत होतील.

कन्या - कोर्टाच्या कामामध्ये यश मिळेल. नको असलेल्या कटकटी मागे लागल्या असतील तर आज त्यातून अलगद बाहेर याल. संसारिक समाधान लाभेल. दिवस चांगला आहे.

तूळ - या राशीच्या स्त्रियांना स्त्रीविषयक आजार होतील. जवळच्या व्यक्तीकडून घातपात झाल्यासारख्या गोष्टी होतील. महत्त्वाच्या ऐवज, जिन्नस ,पैसे, चोर आणि चोरीपासून स्वतःला संभाळणे आज गरजेचे आहे .

वृश्चिक - कुलदेवतेच्या आशिर्वादाने दिवस उजळून निघेल. मनात ठरवलेल्या गोष्टी घडतील. क्रीडा क्षेत्रात विशेष प्रगती घेऊन आलेला दिवस आहे काहीतरी धाडसाचे, धडाडीचे काम आज कराल.

धनु - शाकंबरी देवीचा उत्सव सुरू होत आहे. घरामध्ये एखादा मंगल कार्य होईल. अध्यात्मिक क्षेत्रात प्रगती वाढेल. देवी उपासनेने दिवस समृद्ध होईल. मातृसख चांगले आहे.

मकर - एक वेगळा हुरूप आणि उमेद आज कामासाठी असेल. मोठ्या व्यक्तींच्या सहकार्याने पुढे जाल. व्यवसायामध्ये नवीन काहीतरी घडामोडी घडतील. संशोधनात्मक कार्य होईल.

कुंभ - न बोलता सारे काम आज कराल. कुटुंबाची साथ चांगली असेल. खाण्यापिण्याची मांदियाळी असेल. तब्येत मात्र जपावी लागेल. विशेषतः जोडीदाराची काळजी घ्या .

मीन - मीपणा सोडून आज वागणे चांगले असेल अर्थात मीपण जपाल, स्वतःमध्ये मग्न असाल एक आनंददायी प्रवासाची सुरुवात म्हणजे आजचा दिवस आहे. घेतलेले निर्णय योग्य मार्गावर लावण्यासाठी विशेष प्रयत्नशील असाल.