Saturday Horoscope : गोड स्वभावामुळे इतरांना आपलेसे करून घ्याल; मेहनतीनं यश मिळवाल, 'या' ५ राशींच्या लोकांचा दिवस ठरणार खास

आजचे पंचांग

शनिवारी,२७ सप्टेंबर २०२५,अश्विन शुक्लपक्ष,पंचरात्रोत्सवारंभ,हस्त रवि.

तिथी-पंचमी १२|०४

रास-वृश्चिक

नक्षत्र-अनुराधा

योग-प्रीतियोग

करण-बालव

दिनविशेष-चांगला दिवस

मेष - काही गूढ गोष्टींची आवड आज तुम्हाला मनात येईल. तळाशी असणाऱ्या गोष्टी शोधण्याचा प्रयत्न कराल. ज्योतिष शास्त्राचा व्यासंग सुद्धा जडण्याची शक्यता आहे. खटपट करून यश मिळवणार आहात.

वृषभ - नव्याने व्यवसाय सुरू करण्याचा विचार करत असाल तर आजचा दिवस सुसंधी घेऊन आलेला आहे. कोणीतरी स्त्री सहकारी आपल्याला विशेष यामध्ये मदत करेल. वैवाहिक सौख्य उत्तम आहे.

मिथुन - एकत्रितरित्या काम करण्याच्या संधी आज मिळणार आहेत. नोकरीमध्ये गती आणि प्रगती दोन्ही दिसत आहे. फुफुसाची निगडित आजार, खोकला इत्यादी तक्रारी याविषयी विशेष आपली काळजी घ्यावी.

कर्क- शिव उपासना आज फलदायी ठरेल. पैशाशी निगडित व्यवहार आज मार्गी लागणार आहेत. धनयोग उत्तम आहेत. प्रेमामध्ये आपल्या स्वभावामुळे समोरच्याचे मन जिंकाल. उत्तरोत्तर प्रगतीचा आजचा दिवस आहे.

सिंह - कुटुंबीयांची जबाबदारी खांद्यावर घेऊन आज जावे लागेल. आपले निर्णय आणि सल्ले दोन्हीही आज इतरांना मान्य होतील. प्रॉपर्टीशी निगडित व्यवहार सहज पार पडतील. दिवस चांगला आहे.

कन्या - व्यावसायिकांना व्यवसायामध्ये विशेष यश देणारा आजचा दिवस आहे. जिद्द आणि चिकाटीने कामे कराल. लेखन, प्रकाशन क्षेत्रात विशेष गती आहे.पत्रव्यवहार मार्गी लागतील. वेगळा पराक्रम आज गाजवाल.

तूळ - धनयोग उत्तम आहेत. मात्र जोडीदाराच्या तब्येतीची काळजी घ्यावी लागेल. कुटुंबीयांच्या बरोबर महत्त्वाचे निर्णय घेण्यासाठी सल्लामसलत आज करावी लागेल. खाद्यपदार्थांची रेलचेल आज राहील.

वृश्चिक - मनाने ठरवलेल्या गोष्टी आज मी करणारच असा काहीसा हट्टीपणा घेऊन दिवस आलेला आहे. स्वतःवरचा विश्वास आज वृद्धिंगत होणार आहे. आपल्या प्रभावामुळे इतर आपल्यापासून भारावले जाणार आहेत. दिवस चांगला आहे.

धनु - कधी कधी असे वाटते मी सगळे करतो. पण अडचणी आल्यावर मात्र यात माझा हात नाही. असे झटकल्याची भावना येते. आज मनस्ताप वाढवणाऱ्या गोष्टी घडणार आहेत. आलेल्या परिस्थितीला सामोरे जाण्याशिवाय काहीही समोर राहणार नाही.

मकर - न बोलता आपला कार्यभाग साध्य करणारी आपली रास आहे. जुन्या काही गोष्टी नात्यांमध्ये गुंतवणूक केली असतील किंवा पैशाची निगडित व्यवस्थापन केले असेल तर आज त्याचा परतावा उत्तम प्रकारे मिळणार आहे.

कुंभ - राजकारण आणि समाजकारण दोन्ही क्षेत्रात आज तुम्ही आघाडीवर राहणार आहात. संशोधनात्मक कार्य घडतील. वरिष्ठ आणि सहकारी दोघांच्याकडून शाबासकीची थाप आपल्याला आज मिळणार आहे.

मीन - तीर्थक्षेत्रि भेटी होतील. लांबचे प्रवास होतील. दत्तगुरूंची उपासना विशेष फलदायी ठरणार आहे. साध्या स्वभावामुळे इतरांना आपलेसे करून घ्याल. आध्यात्मिक प्रगती होईल. धर्माचा झेंडा नक्की रोवाल.