शनिवार,२ऑगस्ट २०२५,श्रावण शुक्लपक्ष,
आश्लेषा रवि २८;०८
तिथी-अष्टमी ०७|२४
रास-तुला २३|५३ नं. वृश्चिक
नक्षत्र-विशाखा (अहोरात्र)
योग-शुक्ल (अहोरात्र)
करण-बवकरण
दिनविशेष-विशाखा वर्ज्य
मेष - जोडीदाराच्या मनात काय चालू आहे याचा आज थांग घ्यावा लागेल. राशी स्वभाव प्रमाणे रागीटपणा सोडून समोरच्याला समजून घेऊन कामे केल्यास दिवस आनंदी आहे.
वृषभ - खाणेपिणे मौजमजा या गोष्टी आपल्याला कायमच आवडतात. पण आज मात्र तब्येतीच्या बाबतीत विशेष काळजी घ्यावी लागेल. नोकरीच्या ठिकाणी मात्र मनासारख्या घटना घडतील.
मिथुन - विष्णू उपासना आपल्याला चांगली ठरणार आहे. एखाद्या नवीन क्षेत्रांमध्ये प्रगतीचे आणि पाय रोवण्याचे योग आज दिसत आहेत. शेअर्समधील गुंतवणूक फायदेशीर ठरेल. दिवस चांगला आहे.
कर्क- जवळचे व्यक्ती, जोडलेली नाते आज कामास येतील. प्रेमाने ओथंबलेपण कुटुंबीयांच्या मध्ये असेल. नवीन वाहन खरेदी करण्याचा विचार करत असाल तर आज ती कामना पूर्ण होईल.
सिंह - मोठ्या भावंडांच्या सहकार्याने पुढे जाण्याचा दिवस आहे. जवळचे प्रवास घडतील. शेजारी संबंध चांगले राहतील. नवीन जबाबदाऱ्या खांद्यावर घेऊन पुढे जाल.
कन्या- सुवर्ण खरेदी किंवा एखादी मोठ्या गुंतवणुकीमध्ये आज रस वाटेल. धनाची आवक जावक चांगली होईल. पैशाचे योग्य नियोजन आणि व्यवस्थापन अच्युतम राहील.
तूळ - जमेल तितका चांगला दिवस घालवण्याचा आज तुमचा प्रयत्न असेल. कला क्षेत्रामध्ये विशेष प्रगती होईल. मनोरंजनात्मक कार्यामध्ये रस घ्याल. श्रावण मासाचा आनंद आज विशेषत्वाने लुटाल. दिवस छान आहे.
वृश्चिक- येणे आणि जाणे या गोष्टी व्यवहारांमध्ये होत राहतात. आज धन जसे आले आहे तसा त्याला खर्चाला अनेक वाटा निर्माण होणार आहेत. परिस्थितीशी दोन हात नक्कीच कराल. कोणतीही तक्रार न करता दिवस स्वीकार करा.
धनु - कामाच्या गोष्टींकडे ओढा वाढेल. जुन्या गोष्टी केलेल्या आहेत जसे व्यवसाय असेल, करियर असेल तर अडकलेले पैसे वसूल होण्याचा आजचा दिवस आहे. सहज लाभकारक घटना घडतील.
मकर - कर्म प्रधान ठेवून पुढे वागाल. एकाच वेळी अनेक कामे आणि जबाबदाऱ्या खांद्यावर येऊन पडतील. आपले बॉस आणि सहकारी आणि स्नेहीजन या तिघांच्या मदतीने पुढे जाण्याचा आजचा दिवस आहे.
कुंभ - शंकराची उपासना आज करावी. तीर्थक्षेत्रि भेटी देण्याचे योग आहेत. कदाचित मोठे प्रवासही घडतील. मनोकामना पूर्ण होणाऱ्या गोष्टी आज घडणार आहेत. सुवार्ता कानावर येतील.
मीन - कष्टाला मागे पुढे बघू नका. पण समोरचा आपला फायदा घेतोय हे मात्र चाणाक्षपणे लक्ष ठेवून कामे करा. कदाचित कुणाची मदत मिळणार नाही. पण आज हार येईल असाही दिवस नाहीये. यश खेचून आणाल.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.