Horoscope Today : घरात पाहुण्यांची ऊठबस राहील, तर काहींनी ठेवा तापट विचारांवर अंकुश; तुमची रास यात आहे का?

आजचा पंचांग

रविवार,१५ डिसेंबर २०२४,मार्गशीर्ष शुक्लपक्ष,पौर्णिमा

तिथी- पौर्णिमा १४|३२

रास- वृषभ १५|०४ नं. मिथुन

नक्षत्र- मृग

योग- शुभयोग

करण- बवकरण

दिनविशेष- चांगला दिवस

मेष - गुंतवणूक फायदेशीर ठरेल. पैशाची आवक जावक चांगली राहील. मसालेदार, तिखट पदार्थ खावे अशी इच्छा होईल. कुटुंबीयांबरोबर छोटे-छोटे आनंद साजरे कराल.

वृषभ - मनासारखे आयुष्य जगावेसे वाटेल. आपली कलंदर असणारी रास आज सकारात्मक पावले उचलेल. इतरांना तुमच्यामुळे ऊर्जा मिळेल.

मिथुन- विनाकारण कटकटी आणि त्रास मागे लागतील. पण देवाची आस आणि अध्यात्माचा ध्यास तुम्हाला यातून बाहेर काढेल. आपल्या तापट विचारांवर अंकुश ठेवा.

कर्क- मित्रांचे प्रेमामुळे आकाशात ठेंगणे वाटेल. एखाद्या आपण केलेल्या चांगल्या गोष्टीची शाबासकीची थाप त्यांच्याकडून मिळेल. एकत्रितरित्या या सुकर्माचा आनंद लुटाल.

सिंह - राजकारणामध्ये यश आहे. काही वेळेला आपण इतरांवर केलेले उपकार आपले उदारता याची चांगली फलित मिळताना आपल्याला दिसतात. आज तोच दिवस आहे. मानसन्मान वाढेल.

कन्या- विष्णू उपासना फलदायी ठरेल. भाग्यकारक घटनांचा आजचा दिवस आहे. मन पवित्र राहील.सर्व सुखासाठी दिवस उत्तम.

तूळ- न्यायाने आणि सचोटीने वागणूक आज तुम्हाला चांगली ठरेल. आपल्या जवळचे लोक पाठीत खंजीर खुपसण्याचे काम करतील. तुम्हाला सावधगिरीचा इशारा आहे.

वृश्चिक - केल्याने होत आहे रे आधी केल्याची पाहिजे. अनेक गोष्टी व्यवसायामध्ये नवीन वाटा निर्माण करण्यासाठी कराल. सच्चेपणाने मेहनत केलेली आज फळाला येईल.

धनु -चोर चोरी पासून सावध राहण्याचा आजचा दिवस आहे. आजार डोके वर काढतील. मनस्थिती दोलायमान राहील.

मकर - शिव उपासना फलदायी ठरणार आहे. प्रेमाचे नवीन क्षितिज गाठाल. शेअर्समध्ये फायदा आहे. पैशाचे गुंतवणूक योग्य प्रकारे केल्यास त्याच्यात वाढ होईल.

कुंभ - घरामध्ये वातावरण चांगले राहील. एखाद्या कौटुंबिक समारंभ किंवा धार्मिक कार्य घरी पार पडेल. पाहुण्यांची ऊठबस राहील.

मीन- वेगवान दिवस राहील. छोटे प्रवास घडतील. एकत्रितरित्या अनेक कामे आल्यामुळे भांबावून जाण्याचा संभव आहे. त्याचे योग्य नियोजन केल्यास सुनियोजित दिवस राहील.