Rashi Bhavishya : संधीचे सोने कराल, गुंतवणूक ठरणार फायदेशीर; वाचा तुमचं आजचं राशी भविष्य

आजचे पंचांग - दिनांक ३० जून २०२४

तिथी- ज्येष्ठ कृष्ण नवमी. नक्षत्र- रेवती .योग - अतिगंड. करण - गरज. रास - मीन ०७.३४ नंतर मेष. दिनविशेष- चांगला दिवस.

मेष : सकारात्मकता वाढेल

आरोग्याच्या तक्रारी कमी होतील. तुमचा इतरांवर प्रभाव राहील सकारात्मकता वाढेल. जे आहे त्याच्यात आनंद मिळेल. "रुबाब माझा बघा" असा दिवस आहे.

वृषभ : मनस्वस्थ खराब होईल

"अकेला चला हू मैं"आजचा दिवस आहे. एकूणच एकट्यानेच सगळ्या गाडा ओढायचा आहे. मनस्वस्थ खराब होईल. दूरचे प्रवास, प्रदेशातले प्रवासाची आखणी करत असाल तर त्याच्यासाठी दिवस चांगला.

मिथुन : भेटीगाठीतून लाभ होतील

ज्येष्ठांच्या भेटीगाठी आणि त्यातून अनेक लाभ होतील. स्नेहभोजनाचा आनंद लुटाल .आयुष्य किती छान आहे याची आज जाणीव होईल.

कर्क : सर्व कामे पूर्ण होतील

"काम एके काम" असा दिवस आहे. पायाला भिंगरी लागण्यासारखे प्रवास होतील. अनेक गोष्टी ज्या पूर्वी ठरवल्यात ते आज मार्गे लागतील. बैठका यशस्वी होतील.

सिंह : उत्तम संधी मिळतील

आपल्या राशीचे स्वभावाप्रमाणे दान व उदारता वाढेल. अनेक उत्तम संधी मिळतील. तीर्थक्षेत्री जाण्याचे योग येतील किंवा त्याची आखणी कराल.

कन्या : आज जरा सावध राहावे

स्वभावाप्रमाणेच आज काही त्रास कटकटी होतील. अति विचार खोलात घेऊन जाणार आहे. शारीरिक आणि मानसिक दोन्ही स्वास्थ्य जपा.

तुळ : उत्तम सहकार्य मिळेल

कोर्टाच्या कामांमध्ये आज लगबग राहील. आपल्या बाजूने निकालाची दाट शक्यता आहे. कामाच्या ठिकाणी भागीदाराचे उत्तम सहकार्या लाभेल.

वृश्चिक : स्वभावाला मुरड घाला

मंगळाची असणारी आपली रास आपल्यामुळे इतरांनाही त्रास होतो. पण काहीजण तुम्हाला त्रास देतील. आज आपल्या स्वभावाला थोडी मुरड घाला. शत्रू वाढणार नाही त्याची काळजी घ्या.

धनु : सन्मान मिळण्याचा दिवस

संततीस सुवार्ता देईल. पारितोषिक, सन्मान मिळण्याचा आजचा दिवस आहे. तुमचे कर्तुत्व बहरणार आहे. दिवस आनंदाची झालर घेऊन आला आहे.

मकर : आनंदाच्या गोष्टी घडतील

पशु व्यवहार मार्गी लागतील. विशेष आनंदाच्या गोष्टी आयुष्यात येणार आहेत. कुटुंबीयांबरोबर पुढील गोष्टींसाठी सल्लामसलत कराल .

कुंभ : संधीचे सोने कराल

जे असेल त्यात ताकतीने पुढे जाल. एकूणच येणाऱ्या संधीचे सोने कराल. कोणाच्याही सहकार्यविना यश गाठण्याचा आजचा दिवस आहे. सहजगत्या भावंड मदत करतील.

मीन : गुंतवणूक फायदेशीर ठरेल

"येरे येरे पैसा" असा आजचा दिवस आहे. अचानक सर्व मार्गाची गुंतवणूक आज फलदायी ठरणार आहे. पैशाची आवक चांगली असल्यामुळे दिवस सुखाचा राहील.