Gajkesari Rajyog 2026: देवतांचा गुरु बृहस्पति बनवणार पॉवरफुल योग; बँक बॅलन्स वाढून करियरमध्येही होणार प्रगती

वैदिक ज्योतिषशास्त्रानुसार, नऊ ग्रह एका विशिष्ट कालावधीनंतर त्यांच्या राशीमध्ये बदल करतात. यावेळी चंद्र सर्वात वेगाने हालचाल करतो. तो एका राशीत सुमारे अडीच दिवस राहतो. तो सतत एका किंवा दुसऱ्या ग्रहाशी संयोग करतो, ज्यामुळे शुभ किंवा अशुभ राजयोग निर्माण होतो.

काल म्हणजेच २३ जानेवारी रोजी चंद्राने मीन राशीत प्रवेश केलाय. याठिकाणी शनि आधीच उपस्थित आहे. चंद्र शनीच्या युतीने विष योग बनवतोय तर दुसरीकडे, तो गुरूच्या युतीने गजकेसरी राजयोग बनवणार आहे. म्हणूनच अनेक राशींच्या लोकांसाठी हा योग फायदेशीर ठरू शकतो. यावेळी कोणत्या राशींना लाभ होणार आहे ते पाहूयात.

सिंह रास

गुरु आणि चंद्राच्या युतीमुळे निर्माण होणारा गजकेसरी राजयोग तुमच्यासाठी फायदेशीर ठरू शकणार आहे. यावेळी तुम्हाला नशीबाची साथ मिळू शकते. दीर्घकाळापासूनची इच्छा पूर्ण होऊ शकणार आहे. या राजयोगाच्या प्रभावामुळे त्यांच्या जीवनातील आव्हानं हळूहळू दूर होऊ शकतात.

मिथुन रास

या राशीच्या लग्नाच्या घरात गुरु ग्रह आहे आणि चौथ्या घरात चंद्र आहे. म्हणून, या राशीखाली जन्मलेल्यांसाठी गजकेसरी राजयोग फायदेशीर ठरू शकणार आहे. तुमच्या कठोर परिश्रमाचे आणि सातत्यपूर्ण प्रयत्नांचे कौतुक होण्याची शक्यता आहे. व्यवसायात गुंतलेल्यांना, विशेषतः व्यापार आणि शेअर बाजाराद्वारे, यश मिळू शकणार आहे.

तूळ रास

तिसऱ्या आणि सहाव्या घराचा अधिपती म्हणून गुरु ग्रह या राशीच्या नवव्या घरात असणार आहे. यावेळी चंद्र आठव्या घरात असणार आहे. गजकेसरी राजयोग या राशीखाली जन्मलेल्यांना अनेक क्षेत्रांमध्ये फायदे देऊ शकतो. तुम्हाला नशीबाची खूप साथ मिळू शकणार आहे. कठोर परिश्रमाने तुम्ही चांगलं यश मिळवू शकणार आहात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)