Horoscope Today : आयुष्याची लय सापडेल, तर कोणाची होईल आर्थिक भरभराट; तुमची रास यात आहे का?

आजचे पंचांग

मंगळवार,२६ नोव्हेंबर २०२४,कार्तिक कृष्णपक्ष,

उत्पत्ति एकादशी.

तिथी-एकादशी २७|४८

रास-कन्या

नक्षत्र-हस्त

योग-प्रितियोग

करण- बवकरण

दिनविशेष-चांगला दिवस

मेष - आपल्या हाताखालील लोकांपासून आज सावध राहण्याचा इशारा आहे. आपले कोण आणि परके कोण हे कळले पाहिजे. आपल्या वस्तू गहाळ होतील. चोरीला जातील आणि मनस्ताप वाढीला लागेल.

वृषभ - आपली सृजनशीलता वाढेल. एखादी कला आपल्या हातूनच प्रसवता होईल. आयुष्यामध्ये चांगले प्रसंग खूप गरजेचे असतात. असे आज येतील. एकादशी निमित्त विशेष विष्णू उपासना आज फलदायी ठरेल.

मिथुन - गाई, गुरे आणि शेतीवाडी याच्यातून आज फायदा होईल. कदाचित विक्री -खरेदी तत्सम गोष्टी पार पडतील. कुटुंबीयांची या मते घ्या आणि मगच पावले उचला.

कर्क - दळणवळणाच्या साधनांमधून आज लाभ संभवतो आहे. भाग्य कारक घटनांचा कालावधी जवळ येत आहे. आजचा दिवस म्हणजे त्याची पूर्वतयारी आहे असे समजावे आणि जोमाने कामाला लागावे.

सिंह - आपली आणि आपल्या कुटुंबीयांचे समाजामध्ये पत आणि प्रतिष्ठा वाढेल. जुन्या आठवणींमध्ये मन रमून जाईल. आपल्याला मात्र कुटुंबाची जबाबदारी घ्यावी लागेल.

कन्या - जीवनामध्ये आशा आणि आशय जर समजून घेतला तर ते आयुष्य आशावादी होते. असाच आशावाद घेऊन आज आपण जाणार आहात. इतरांना सकारात्मकता वाटाल.

तूळ - मोठ्या खर्चाच्या गोष्टी आज समोर उभ्या ठाकतील. त्यामुळे नाही म्हटलं तरी म्हण चलबिचल होईल. हिशोबानुसार पैशाच्या बाबतीत कुठे आहात,कुठे हात आखडता घ्यायचा आहे हे आज ठरवा.

वृश्चिक- जुने मित्र भेटतील. आयुष्याची लय सापडल्यासारखी भावना आज मिळेल. परदेशी वार्तालाप मधून फायदा होईल. दिवस आनंदी जाईल.

धनु -आपले वर्चस्व काही जणांना मान्य होत नाही पण आपणच आपले काम आज सिद्ध करून दाखवाल. आपले प्रतिस्पर्धी वाढतील. पण तुम्ही ताठ मानेने पुढे जाल.कामे वाढतील.

मकर - एकादशी सारखा सुंदर दिवस आहे. विष्णू उपासना, शिव उपासना आज फलदायी ठरेल. कष्टाला सीमा नसतेच हे आपल्या बाबतीत खरे होते. पण भाग्य आपल्याला "लेट पण थेट" संधी देते हे नक्की.

कुंभ -अचानक पैसा मिळण्याचे आज योग आहेत. जोडीदाराकडून धनप्राप्ती होईल. मात्र शारीरिक श्रम आज वाढते राहतील. काळजी घ्यावी.

मीन -आयुष्यात छोट्या छोट्या गोष्टीत सुख असते हे आपल्याला जाणवेल. संसारामध्ये मनाने चार चांगल्या गोष्टी कराल. ज्यामुळे आपला जोडीदार खुश होऊन जाईल. प्रापंचिक जबाबदाऱ्या स्वीकाराल.