Horoscope Today : आज पैशांच्या मागे लागू नका; तुमच्या नशिबात काय लिहिलंय?

आजचे पंचांग

सोमवार,२१ ऑक्टोबर २०२४, अश्विन कृष्णपक्ष.

तिथी-पंचमी २६|३०

रास- वृषभ १८|१५ नं. मिथुन

नक्षत्र- रोहिणी ०६|५०

मृग २९|५१

योग- वरीयान

करण- कौलव

दिनविशेष-उत्तम दिवस

मेष - पैशाशी निगडित समस्या आज विशेषत्वाने सुटतील. दिवसाचे सार्थक झाल्याचे वाटेल. अनेक अनिर्णित गोष्टी योग्य निर्णयाप्रत येतील.

वृषभ- जे ठरवाल ते आज करालच असा आजचा दिवस आहे. आपले आकर्षक व्यक्तिमत्व अजून उठावदार दिसेल. लोकांना आपल्याकडून अनेक चांगल्या गोष्टी आकर्षित करतील.

मिथून - प्रेमात जरा पाय घसरण्याचा दिवस आहे. प्रेमात अपयश मिळू शकते. मनस्थिती थोडी खराब राहील. अतिचांगुलपणा दरवेळी कामाला येत नाही हा या दिवसाचा संदेश लक्षात ठेवा.

कर्क -आयुष्यामध्ये आपण केलेल्या गोष्टींचा आज योग्य परतावा मिळताना दिसेल. नातेवाईक आणि मित्र-मैत्रिणींबरोबर हसत खेळत दिवस जाईल.

सिंह - राजकारणामध्ये यश आहे. मात्र चोरावर मोर होऊन राहावे लागेल. समाजकारण आपल्या हातचा मळ आहे आणि त्यात आपण पुढे जाल. कामांमध्ये यशस्वी होण्याचा आजचा दिवस आहे.

कन्या - लक्ष्मी विष्णू उपासना विशेष फलदायी ठरणार आहे. तीर्थक्षेत्री भेटीचे योग आहेत आणि मोठ्या प्रवासाचे योग दिसून येत आहेत.

तुळ - काळा पैसा, गुप्तधन, अचानक मिळणाऱ्या पैशाचा मागे आज लागू नका. अन्यथा अडचणीत येण्याचा संभव आहे. नशिबात आहे तितक्या गोष्टी नक्की मिळतील. पण त्यासाठी घाई नको.

वृश्चिक - भागीदाराबरोबर नवीन व्यवसायाचे प्रस्ताव समोर घेऊन बैठका होतील. व्यवसायाच्या नवीन सुसंधी आणि मार्ग तयार होतील. दिवस चांगला राहील.

धनु - विनाकारण आपले शत्रू आपल्याला त्रास देतील. काही वेळेला कातडी बचाव अशी भूमिका घ्यावी लागते. तो आजचा दिवस आहे. तब्येत जपावी.

मकर - अनेक गोष्टी आणि भावना समोरच्याला न सांगितल्यामुळे गैरसमज निर्माण होतील. खरंतर दिवस चांगली संधी घेऊन आलेला आहे. प्रेमाचे रंग बहरतील याचे स्वागत करा.

कुंभ - "नवे नवोती भवती" असा दिवस आहे. आयुष्यामध्ये अनेक नवीन संधी येतील. नव्याने काही गोष्टी घडतील. जागेशी निगडित कार्य पार पडेल.

मीन- छोट्या प्रवासाचा किंवा लहान सहलीला जाण्याचा आजचा दिवस आहे. शेजारी आणि भावंडांशी सुहृद संबंध राहतील. दिवस चांगला आहे.