Holi Horoscope 2024: होळीत 'या' 5 राशींचे नशीब फळफळणार! चंद्रग्रहणाच्या प्रभावामुळे होईल लाभ

Chandra Grahan Horoscope 2024:

यावर्षी 24 मार्च रोजी होलिका दहन होणार असून 25 मार्च रोजी रंगांचा उत्सव होळी साजरी केली जाणार आहे. यावेळी होळीच्या दिवशी चंद्रग्रहण होणार आहे. ज्योतिषी पंडित मार्कंडेय दुबे यांनी सांगितले की, हे ग्रहण भारतात दिसणार नाही. पण त्याचा परिणाम सर्व राशींवर होणार आहे. जेव्हा पृथ्वी सूर्य आणि चंद्राच्या मध्ये येते तेव्हा चंद्रग्रहण होते.

ते म्हणाले, या काळात पृथ्वीची सावली चंद्रावर पडते. ग्रहणाचा देश आणि जगावर शुभ आणि अशुभ दोन्ही प्रभाव पडतो. यावेळी होलिका दहनाचा शुभ मुहूर्त 24 मार्च रोजी रात्री 10:28 नंतर भाद्रा नक्षत्राच्या समाप्तीनंतर असेल. तर 25 मार्च रोजी रात्री 11:31 पर्यंत पौर्णिमेचा योग आहे. 25 मार्चला होळीला होणाऱ्या या चंद्रग्रहणाचा संपूर्ण कालावधी 4 तास 36 मिनिटांचा असेल. याचा कोणत्या राशींना लाभ होणार हे जाणून घेऊ...  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मेष

हे चंद्रग्रहण मेष राशीच्या लोकांसाठी शुभ ठरू शकते. नोकरी किंवा व्यवसायात विविध प्रयत्नांमध्ये यश मिळण्याची चांगली शक्यता आहे. नोकरी शोधणाऱ्यांना नोकरी मिळू शकते.  (Latest Marathi News)

वृषभ

वृषभ राशीच्या लोकांना आर्थिक लाभ होण्याची शक्यता आहे. व्यवसायात सावध राहावे लागेल. नोकरीत प्रगती होईल.

सिंह

सिंह राशीच्या लोकांना हे चंद्रग्रहण शुभ ठरू शकते. मात्र तुम्ही तुमचे वर्तन योग्य ठेवले नाही तर तुम्हाला संमिश्र परिणाम पाहायला मिळतील. तुमच्या कामाचे कौतुक होईल. मुलांशी संबंधित काळजी घ्या. वादांपासून दूर राहा. दानधर्म करा. नोकरी आणि व्यवसायात चांगली कामगिरी कराल.

धनु

धनु राशीच्या लोकांना त्यांच्या कामात यश मिळेल. विद्यार्थी आणि स्पर्धा परीक्षांमध्ये सहभागी होणाऱ्या लोकांना यश मिळेल. मात्र त्यांना कठोर परिश्रम करावे लागतील. तुम्हाला तुमच्या नोकरीत सकारात्मक परिणाम मिळतील.

मकर

मकर राशीच्या लोकांना आर्थिक लाभ होण्याची शक्यता आहे. वाहन खरेदी करायचे असल्यास चंद्रग्रहण त्या दृष्टीने अनुकूल राहील. नोकरीत तुम्हाला सकारात्मक परिणाम दिसून येतील. मात्र नात्याबाबत काही वाद निर्माण होतील.

टीप : वरील सर्व साम टीव्ही केवळ माहिती म्हणून वाचक-प्रेक्षकांपर्यंत पोहोचवत आहे. यातून साम टीव्ही कोणताही दावा करत नाही.