Dhanteras 2024: धनत्रयोदशीच्या दिवशी अजिबात खरेदी करू नका 'या' वस्तू; लक्ष्मी नाराज होऊन घरात येईल गरीबी

दिवाळीचा सण आता अवघ्या काही दिवसांवर येऊन ठेपला आहे. हिंदू धर्माच्या दृष्टीने दिवाळीची धनत्रयोदशीचा सण हा फार महत्त्वाचा मानला जातो. पंचांगानुसार, हा सण दरवर्षी कार्तिक महिन्यातील कृष्ण पक्षातील त्रयोदशी तिथीला साजरा केला जातो. यावर्षी 29 ऑक्टोबर रोजी धनत्रयोदशीचा सण साजरा केला जाणार आहे.

ज्योतिष्य शास्त्रानुसार, धनत्रयोदशीचा दिवस फार महत्त्वाचा आहे. दरम्यान नरक चतुर्दशीच्या एक दिवस आधी धनत्रयोदशीचा सण साजरा केला जातो. या दिवशी भगवान धन्वंतरी, देवी लक्ष्मी आणि कुबेर जी यांची पूजा करण्यात येते. धनत्रयोदशीच्या दिवशी काही ना काही खरेदी करण्याचा नियम असतो.

तुम्हाला माहित आहे का की, या दिवशी अशा काही गोष्टी आहेत ज्या खरेदी करून घरी आणल्याने देवी लक्ष्मीचा कोप होतो. इतंकच नाही तर संपत्ती बर्बाद होऊन तुमच्यावर आर्थिक संकट देखील ओढावू शकतं. जाणून घेऊया या गोष्टी कोणत्या आहेत.

काचेच्या वस्तूंची खरेदी

धनत्रयोदशीच्या दिवशी काचेची कोणतीही वस्तू खरेदी करू नये. किंवा कोणत्याही प्रकारची काचेची वस्तू आणू नये. ज्योतिषशास्त्रात काचेचा संबंध राहू ग्रहाशी मानला जातो. त्यामुळे या दिवशी काचेच्या वस्तू वापरणं अशुभ मानलं जातं.

तेल विकत घेऊ नका

दिवाळीच्या दिवसात तेलाचा वापर अधिक होतो. धनत्रयोदशीच्या दिवशी तेल किंवा शुद्ध तेलाची अजिबात खरेदी करू नये. असं केल्यामुळे देवी लक्ष्मीचा कोप होऊ शकतो. या दिवसी जर तुम्ही मोहरीच्या तेलाचा दिवा लावत असाल तर त्यासाठी तेल आधीच विकत घेऊन ठेवा

लोखंडांच्या वस्तूची खरेदी

धनत्रयोदशीच्या दिवशी चुकूनही लोखंडी वस्तू आणू नयेत. असं केल्याने तुमच्या आयुष्यात नकारात्मकता येऊ शकते. याशिवाय धनाची देवता कुबेर यांचा कोप होण्याचा धोका असतो.

स्टीलच्या भांड्यांची खरेदी

धनत्रयोदशीच्या दिवशी स्टीलची भांडीही खरेदी करू नयेत. स्टीलऐवजी, आपण तांबं किंवा पितळेच्या भांड्यांची खरेदी करू शकता.

वस्तू खरेदी करण्याचा शुभ योग

धनत्रयोदशीच्या दिवशी त्रिपुष्कर योग तयार होत असल्याने यावेळी खरेदी करणं शुभ असतं. हा योग सकाळी 6.32 पासून सुरू होऊन दुसऱ्या दिवशी सकाळी 10.30 वाजेपर्यंत असणार आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)