वैदिक ज्योतिषशास्त्रात गुरु ग्रहाला संतुलन, विस्तार आणि शुभतेचा कारक मानण्यात येतं. गुरु वेळोवेळी राशी आणि स्थिती बदलत असतो. ज्याचा सर्व १२ राशींवर परिणाम होतो. १८ ऑक्टोबर २०२५ रोजी गुरुने कर्क राशीत प्रवेश केला आणि आता ११ नोव्हेंबर ते ५ डिसेंबर २०२५ दरम्यान तो कर्क राशीत वक्री होणार आहे.
सध्या गुरु अतिचारी अवस्थेत आहे. याचाच अर्थ तो एका वर्षात एकच राशी पार करण्याऐवजी सात वर्षांत सर्व १२ राशींमध्ये एकदा प्रवेश करणार आहे. कर्क राशीत वक्री असताना गुरु पंचम दृष्टिने मंगळ आणि नवम दृष्टिने शनीवर प्रभाव टाकतो. या संयोगामुळे काही राशींच्या आयुष्यात नव्याने आनंद येणार आहे. यामध्ये कोणत्या राशींचा समावेश आहे ते पाहूयात.
गुरु सप्तम भावात वक्री होत असल्यामुळे मकर राशीच्या व्यक्तींना करिअर आणि व्यवसायात मोठा फायदा होण्याची शक्यता आहे. अविवाहितांना विवाहाचे प्रस्ताव येऊ शकतात. दांपत्य जीवनात आनंद आणि सौख्य वाढणार आहे. नोकरीत नवीन संधी, पदोन्नती आणि धनलाभाचे योग तयार होणार आहे.
गुरु एकादश भावात वक्री होणार आहे. त्यामुळे कन्या राशीच्या व्यक्तींना दीर्घकाळ रखडलेल्या इच्छा पूर्ण होण्याची शक्यता आहे. संतानविषयक निर्णय घेण्याचा योग्य काळ आहे. या काळात आर्थिक स्थिती मजबूत राहील.
गुरु तृतीय भावात वक्री होणार असल्याने वृषभ राशीच्या व्यक्तींना भाग्याचा पूर्ण साथ मिळू शकतो. गुरु अष्टम भावाचा स्वामी असून नवम भावावर दृष्टि टाकणार आहे. त्यामुळे आध्यात्मिक प्रवृत्ती, पूजा-पाठ आणि धार्मिक कार्यांमध्ये सहभाग वाढणार आहे. तीर्थयात्रेची शक्यता आहे. कामाच्या ठिकाणी तुम्हाला चांगले पैसे मिळू शकणार आहेत.
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.