Rashi Bhavishya : या राशीचे व्यक्ती आज पडतील प्रेमात, विवाहाचे योग जुळून येतील; वाचा आजचं राशीभविष्य

आजचे पंचांग - दिनांक ७ ऑगस्ट २०२४

श्रावण शुक्लपक्ष. तिथी - तृतीया २२|०६. रास- सिंह २७|१५ नं. कन्या. नक्षत्र- पूर्वा. योग - परिघ. करण-तैतिल. दिनविशेष - उत्तम दिवस

मेष : प्रेमात पडण्याची शक्यता

नवीन परिचय होऊन आपण प्रेमात पडण्याची शक्यता आहे. सकारात्मक ऊर्जा घेऊन आलेला दिवस आहे. संतती सौख्य चांगले मिळेल.

वृषभ : जबाबदाऱ्या उचलाव्या लागतील

"क्रियेवीण वाचाळता व्यर्थ आहे" असा आजचा दिवस आहे. स्वतः अनेक गोष्टी कराव्या लागतील आणि त्यातच आज रममाण व्हाल. घरच्या जबाबदाऱ्या उचलाव्या लागतील.

मिथुन : दिवस चांगला जाईल

ठरवलेल्या गोष्टी आज घडून येणार आहेत. काही धाडसाच्या गोष्टी आपल्याकडून घडतील छोटे प्रवास होतील. शेजाऱ्यांचे सहकार्य लाभेल. दिवस चांगला जाईल.

कर्क : संपत्ती प्राप्तीचे योग

लहानपणापासून उराशी बाळगत आलेली स्वप्न आता पूर्णत्वास जाणार आहेत. वारसा हक्क संपत्तीच्या बाबतीत दिवस काही नवीन बातमी घेऊन येणार आहे. संपत्ती प्राप्तीचे योग आहेत.

सिंह : आत्मविश्वासपूर्वक जगाल

आपल्याच डामडौल मध्ये राहाल. तुमच्यामुळे अनेकांचे कल्याण होण्याचे आज योग आहेत. आत्मविश्वासपूर्वक जगाल. महत्त्वाकांक्षा वाढीस लागतील.

कन्या : द्विधा मनस्थिती टाळा

मोठे बेत आखत असाल तर काळजीपूर्वक करा. पैशाचे व्यवहार जपून करावेत. मनस्ताप टाळण्यासाठी द्विधा मनस्थिती टाळा. निर्णय योग्य ते घ्या आणि योग्य मार्ग स्विकारा.

तूळ : लाभाचे योग आहेत

परदेशातील व्यवहार फायदेशीर ठरतील. नवीन व्यवसायाच्या बाबतीत दिवस चांगलं. खाद्यपदार्थांचे व्यवसाय असतील तर लाभाचे योग आहेत. जुने मित्र भेटतील.

वृश्चिक : मानसन्मान, प्रतिष्ठा वाढेल

मानसन्मान, प्रतिष्ठा वाढणार आहे. कामाबरोबर अडचणी पण उभ्या राहतील पण त्याला खड्यासारख्या बाजूला सारा. प्रवासाचे योग आहेत.

धनु : यश खेचून आणाल

धर्म, अध्यात्म यांत प्रगती होईल. यश खेचून आणाल. "केल्याने होत आहे रे आधी केलेची पाहिजे" असा आजचा दिवस आहे. तक्रार न करता नेटाने चला.

मकर : अडचणी वाढवू नका

उसनवारी किंवा इतर घेतलेल्या पैशातून त्रास होण्याची शक्यता आहे. खोट्या भुलथापांच्या मागे लागून स्वतः च्या अडचणी वाढवू नका. संमिश्र दिवस आहे.

कुंभ : बोलणे यशस्वी ठरतील

विवाह संदर्भातील बोलणे यशस्वी ठरतील. नव्याने नाती तयार होतील. "मोठ्यांविषयी आदर बाळगाल तर आपली कदर होईल". दिवस चांगला जाईल.

मीन : आपल्या वस्तू जपाव्यात

नोकरांकडून त्रास होण्याची शक्यता आहे. पैशाचे व्यवहार त्यांच्याशी नीट ठेवावेत. आपल्या वस्तू जपाव्यात. आरोग्याच्या तक्रारी वाढतील योग्य ते डॉक्टर निवडा.