आजचे पंचांग १३ मे २०२४
वार - सोमवार. तिथी - शु.षष्ठी. नक्षत्र - पुनर्वसू. योग - शूल. करण - तैतील रास - कर्क. नरसिंह नवरात्र. दिनविशेष - उत्तम दिवस.
मेष : डोके शांत ठेवून काम करा
डोके शांत ठेवून काम करा. तर अनेक नव्या संधी समोर उभ्या राहतील. वेगळे काहीतरी काम करण्याची उर्मी आज दाटून येईल.
वृषभ : पैशाची आवक चांगली राहील
पैशाची आवक चांगली राहील. आणि म्हणून कुटुंबीयांबरोबर मेजवानीचे बेतही आखले जातील. एकूणच येणे जाणे या गोष्टींची वर्दळ मनात आणि घरात दोन्हीकडे राहील.
मिथुन : व्यक्तिमत्व उजळून निघेल
आज आपले व्यक्तिमत्व उजळून निघेल. एक वेगळीच सकारात्मकता आजूबाजूला राहणार आहे. बंधन न ठेवता बंधनात राहणे आज आपल्याला जमणार. दिवस मस्त जाईल.
कर्क : पैसा थोडा जपून वापरा
पैसा व खर्च याचा समन्वय साधताना आज तारांबळ उडेल . पैसा कितीही आला तरी जाण्याच्या वाटा आधीच ठरलेल्या असतात. म्हणून जरा हात आखडता ठेवलेला बरा.
सिंह : मेहनतीचे फळ मिळणार
काही गुंतवणूक खूप वर्ष आधी केलीये का? त्याचे फळ पैशाच्या स्वरूपात किंवा प्रेमाच्या स्वरूपात आज दुपटीने मिळणार.
कन्या : आपल्याच ऐटीत राहाल
विशेष लक्ष आज कामावर घालाल. पण लक्षात ठेवा कोणत्याही गोष्टीत द्विधा मन:स्थितीत राहून काम करू नका. आपल्याच ऐटीत राहाल. इतरांकडून कामे करून घ्याल.
तूळ : प्रवासातून भाग्य पालटणार
प्रवास होणार. प्रवासातून भाग्य पालटणार. अध्यात्म व ध्यान यावर आज विशेष लक्ष केंद्रित करा. सद्गुरूंची ओढ वाटेल.
वृश्चिक : सगळी कामे एकटेच कराल
"केल्याने होत आहे रे आधी केलेची पाहिजे" हे तुम्हाला वेगळे सांगायला नको. सगळी कामे एकटेच कराल. दगदग वाढेल. पण तरीसुद्धा स्वास्थ काही मिळणार नाही.
धनु : कामे मनासारखी होतील
कोर्टकचेरीची कामे मनासारखी होतील. कधीकधी आपली चूक नसताना सुद्धा एखाद्या गोष्टीत अडकलो गेलो. याची जाणीव होईल. पण दिवसा अखेरीस सर्व अलबेल असेल.
मकर : दिवस सहजतेने घालवा
कष्ट कष्ट आणि कष्ट. असा दिवस आजचा आहे. खूप धावपळ. खूप दगदग. म्हणूनच शरीर स्वास्थ्याकडे दुर्लक्ष न करता दिवस सहजतेने घालवा.
कुंभ : शंकराची उपासना फलदायी ठरेल
सृजनशीलता वाढेल. आज दिवस खास उपासनेसाठी राखून ठेवा. शंकराची उपासना फलदायी ठरेल. मनस्वास्थ लाभेल.
मीन : लुटा आनंद घराचा
घरातील टापटीप पणात व नीटनेटकेपणा यामध्ये आज वेळ घालवाल. शांत स्वस्थ मन आणि नीटनेटके घर यामध्येच आज आपला वेळ जाईल. लुटा आनंद घराचा.