Horoscope Today : मनासारख्या गोष्टी जगण्यासाठी धडपड कराल, तर काहींना घ्यावी लागेल आईच्या तब्येतीची काळजी, वाचा तुमचे राशीभविष्य

आजचे पंचांग

बुधवार,८ जानेवारी २०२५,पौष शुक्लपक्ष.

तिथी- नवमी १४|२६

रास- मेष

नक्षत्र- अश्विनी १६|३०

योग- सिद्ध योग

करण- कौलव

दिनविशेष-उत्तम दिवस

मेष - कामाची ताकत आज वेगळ्या पद्धतीने राहील. आज शरीर उत्साह आणि ऊर्जा घेऊन काम करेल. मनासारख्या गोष्टी जगण्यासाठी धडपड कराल .दिवस आनंदी आहे.

वृषभ - स्वतःच्या आनंदासाठी खर्च कराल. मग तो कपडे, दागदागिने असेल किंवा मनोरंजनासाठी सुद्धा असू शकेल. पण मग दिवसाच्या शेवटी खर्च झाला म्हणून वाईट वाटून घेण्यात अर्थ नाही. हा खर्च तर होणारच होता.

मिथुन - पत्रव्यवहार मार्गी लागतील. कामाचे स्वरूप व्यापक राहील. जुन्या केलेल्या कामामधून उत्तमरित्या परतावा आज मिळणार आहे.

कर्क - समाजकारणात यश मिळेल. प्रवासामध्ये धावपळ दगदग होईल. पण आपल्या कामाला योग्य ती शाबासकी सुद्धा मिळेल. हुरुप वाढेल.

सिंह - नवी उमेद, नवीन आशा या आज घडणाऱ्या गोष्टींमुळे पुन्हा पल्लवीत होतील. रवी उपासना आज केलेली फलदायी राहील. दिवस भाग्याचा आहे.

कन्या - ठरवलेल्या गोष्टी तशाच नियोजनबद्ध होतील असे वाटत नाही. अडथळे आणि अडचणी पार कराव्या लागतील. संदीग्ध अवस्था टाळा.

तूळ - प्रेमात पराक्रम कराल. व्यवसायात एक चांगली उंची गाठावी लागेल. प्रेमामुळे जग जिंकाल. दिवस चांगला आहे.

वृश्चिक - झालेल्या गोष्टींचा आज विचार करू नका. तर आलेल्या गोष्टींना सामोरे जा. वरिष्ठांकडून कामाचे दडपण तर कनिष्ठांकडून अरेरावी सहन करावी लागेल. दिवस जरा त्रासदायक आहे. मनस्थिती स्थिर ठेवा.

धनु - प्रेमात सगळे माफ आहे. आज आपण प्रेमात पडाल.शेअर्समधील गुंतवणूक फायदेशीर ठरेल. धनलाभाच्या दृष्टीने दिवस चांगला आहे.

मकर - आईच्या तब्येतीची विशेष काळजी घ्यावी लागेल शेतीच्या कामामध्ये फायदा होईल. घरी धार्मिक कार्य घडेल.

कुंभ - जोडीदाराकडून भाग्योदय संभवतो आहे. नियोजित आणि सुरळीतपणे ठरलेली कामे होतील. छोटे प्रवास घडतील.

मीन - जोडीदाराच्या तब्येतीची आज काळजी घ्यावी. विनाकारण कटकटी आणि त्रास त्यामुळे संभावत आहेत. पण पैशाची आवक चांगली राहिल्यामुळे यावर बऱ्याच अंशी मात कराल.