Rashi Bhavishya : या राशींच्या मनासारख्या घटना घडतील, प्रलंबित कामे होतील पूर्ण; वाचा संपूर्ण राशिभविष्य

आजचे पंचांग २१ मे २०२४

वार - मंगळवार. तिथी - शु. त्रयोदशी. नक्षत्र - स्वाती. योग -व्यतिपात. करण - तैतिल. नरसिंह जयंती. रास - तूळ दिनविशेष - १३ नंतर चांगला.

मेष : मनाप्रमाणे निर्णय होईल

आज काही कामे धाडसाने पार पाडाल. व्यवसाय आणि घरामध्ये दोन्हीकडे आपल्या जोडीदाराची उत्तम साथ मिळेल. कोर्ट कज्जे असतील तर मनाप्रमाणे निर्णय होईल.

वृषभ : खर्चाचे प्रमाण वाढेल

काही वेळेला आपण विनाकारण कोणाच्या तरी सहकार्याचे अपेक्षा करतो, पण ती आज ठेवू नका. खर्चाचे प्रमाणही वाढते राहील. आजारावर पैसे खर्च होतील.

मिथुन : पैसे गुंतवणूक जपून करावी

आज महत्त्वाच्या आणि चांगल्या बातम्या कानावर पडतील. सगळं कसं सुरळीत चालू आहे अशी भावना मनामध्ये येईल. पैसे गुंतवणूक जपून करावी.

कर्क : प्रलंबित कामे पूर्ण होतील

राजकारण, समाजकारण जे आवडत असेल त्यामध्ये हिरीरीने भाग घ्याल. पेंडिंग राहिलेली कामे मार्गे लागतील. एकूणच दिवस चांगला जाईल असे दिसते आहे.

सिंह : समाधानकारक यश मिळेल

कामाच्या बाबतीत समाधानकारक यश मिळेल. पेंडिंग राहिलेले पत्रव्यवहार मार्गी लागतील. नवीन गोष्टी करण्याकडे कल राहील.

कन्या : व्यवहार चोख ठेवा

पैशाचे व्यवहार आज चोख ठेवा. वस्तूंची विशेषतः काळजी घ्या. देवधर्म अध्यात्माकडे मन रमवल्यास दिवस चांगला.

तूळ : मन आनंदी राहील

"केतकीच्या वनी आज नाचला ग मोर" अशी आपली ची अवस्था राहील. मन आनंदी राहील. आशावाद वाढेल. घेतलेले काम पूर्णत्वास जाईल.

वृश्चिक : गुप्त शत्रूंवर मात कराल

तब्येतीकडे विशेष लक्ष द्या. गुप्त शत्रू असतील तर त्यांच्यावर मात कराल. दैनंदिन व्यवहार योग्य ठेवल्यास दिवस चांगला. विनाकारण मनस्ताप नकोच.

धनु : नातेवाईकांच्या भेटी होतील

मनोरंजन, मौजमजा आज याच्यासाठी आजचा दिवस आहे. नातेवाईकांच्या भेटी होतील. शेजारी सख्य राहील. कामाचे स्वरूप पैशाच्या दृष्टीने लाभदायक ठरेल.

मकर : प्रसिद्धी वाढण्याचा दिवस

ऑफिस मधील सहकारी यांचे सहाय्य लाभेल. नवीन गोष्टींची बेत आखणी होईल. मानसन्मान प्रसिद्धी वाढण्याचा आजचा दिवस आहे.

कुंभ : भगवंताची आराधना करा

किर्ती, सन्मान आज आपल्या बाजूने कौल देत आहेत. भगवंताची आराधना करा. नरसिंह जयंती विशेष उपासना केल्यास शुभ फल मिळेल.

मीन : व्यवहार पारदर्शक ठेवा

विनाकारण एखाद्या गोष्टीत तुम्हाला गुंतवले जाईल. म्हणूनच सर्व व्यवहार आजच्या दिवशी पारदर्शक ठेवा. काम करतो आहोत तर त्यामधून वाईट गोष्टींची प्रतिमा तयार व्हायला नको हे लक्षात ठेवा.