यो यो हनी सिंग नागपुरात? 'ते' प्रकरण भोवलं!

नागपूर - अश्लील नृत्य आणि गीते सादर केल्या प्रकरणी नागपूरच्या पाचपावली पोलीस स्टेशन मध्ये रॅप गायक यो यो हनीसिंग (Honey Singh) विरोधात तक्रार दाखल करण्यात आली होती. या प्रकरणी हनीसिंगला सत्र न्यायालयाने (Sessions Court) दणका दिला आहे. हनीसिंगला आपल्या आवाजाचे नमुने देण्यासाठी आज नागपुरातील (Nagpur) पाचपावली पोलीस (Police) ठाण्यात हजर राहण्याचे आदेश देण्यात आले आहे.

हे देखील पहा -

याआधी देखील 27 जानेवारी रोजी न्यायालयाने हनीसिंगला आपल्या आवाजाचे नमुने देण्याकरिता 4 ते 11 फेब्रुवारीदरम्यान पाचपावली पोलीस ठाण्यात हजर होण्याचा आदेश दिले होते. पण त्या आदेशाचे हनीसिंगने पालन केले नाही. 10 फेब्रुवारी रोजी, सिंग यांनी पुढील तपासासाठी आवाजाचे नमुने प्रदान करणे आवश्यक असलेल्या आदेशात बदल करण्याची विनंती केली. न्यायालयाने त्याचा हा अर्ज फेटाळून लावला.

त्यानंतर आज पाचपावली पोलीस स्टेशनमध्ये हजर होण्याचा आदेश दिले आहे. त्यामुळे आज हनी सिंग आवाजाचे नमुने देण्यासाठी हजर राहणार का याकडे लक्ष लागले आहे. सिंग यांच्यावर भारतीय दंड संहिता (IPC) च्या कलम 292, 293 (अश्लीलता) आणि माहिती तंत्रज्ञान कायद्याच्या कलम 67 आणि 67A अंतर्गत इंटरनेटवर अश्लील गाणी गाणे आणि अपलोड केल्याबद्दल गुन्हा दाखल करण्यात आला आहे.