ठाण्यामध्ये (Thane) राहणाऱ्या २६ वर्षीय सोशल मीडिया इन्फ्लुएन्सर (social media inluencer) प्रिया सिंहला (Priya Singh) तिच्या बॉयफ्रेंडने कारने चिरडल्याची घटना समोर आली होती. या अपघातामध्ये प्रिया सिंह गंभीर जखमी झाली असून तिच्यावर रुग्णालयामध्ये उपचार सुरू आहेत.
याप्रकरणी प्रिया सिंहने केलेल्या तक्रारीनंतर तिच्या बॉयफ्रेंडसह तीन आरोपींना पोलिसांनी अटक केली आहे. प्रिया सिंहचा बॉयफ्रेंड अश्वजीत गायकवाड हा महाराष्ट्र स्टेट रोड डेव्हलपमेंट कॉर्पोरेशनचे (एमएसआरडीसी) एमडी आणि आएएस अधिकारी यांचा मुलगा आहे. हे प्रकरण सध्या चांगलेच चर्चेत आले आहे.
प्रिया सिंहने तिच्या बॉयफ्रेंडवर आरोप केला आहे की, अश्वजीत गायकवाडने तिला कारने चिरडण्याचा प्रयत्न केला. या घटनेत ती जखमी झाली तरी देखील तिला रस्त्यावर तिथेच ठेवून आरोपींनी घटनास्थळावरून पळ काढला. या घटनेनंतर प्रियाने पोलिसात तक्रार दाखल केली. त्यानंतर पोलिसांनी याप्रकरणी गुन्हा दाखल करत अश्वजीत गायकवाड, रोमिल पाटील आणि सागर शेळकेला रविवारी संध्याकाळी अटक केली. आरोपींनी प्रियाला चिरडलेली कार देखील पोलिसांनी जप्त केली आहे. आता ही प्रिया सिंह नेमकी आहे तरी कोण?, ती सध्या काय करते? असे प्रश्न अनेकांना पडले आहेत. तर आपण तिच्याबद्दल जाणून घेणार आहोत...
प्रिया सिंह ही २६ वर्षांची असून ती इन्स्टाग्राम इन्फ्लुएन्सर्स आणि ब्युटीशियन आहे. प्रियाचे सोशल मीडिया प्लॅटफॉर्म इन्स्टाग्रामवर ११ लाखांपेक्षा जास्त फॉलोअर्स आहेत. प्रियाने इन्स्टाग्रामवर पोस्ट करत अश्वजीतने कारने चिरडत मारण्याचा प्रयत्न केल्याची माहिती दिली होती. या घटनेमध्ये प्रियाच्या पाठीला, पोटाला आणि पायाला गंभीर दुखापत झाली आहे. या घटनेनंतर प्रियाने कासरवडवली पोलिस ठाण्यात सोमवारी तक्रार दाखल केली. याप्रकरणी पोलिसांनी आरोपींविरोधात वेगवेगळ्या कलमांतर्गत गुन्हा दाखल केला. रविवारी त्यांना अटक केली.
प्रिया सिंह आरोपी अश्वजीतसोबत साडेचार वर्षांपासून रिलेशनशीपमध्ये होती. नुकताच प्रियाला अश्वजीतचे लग्न झाले असल्याची माहिती मिळाली होती. प्रियाची बहीण आकांक्षा सिंहने सांगितले की, 'प्रिया चार वर्षांपेक्षा जास्त काळ अश्वजीतसोबत रिशेनशिपमध्ये होती. आतापर्यंत तिला माहिती नव्हते की त्याचे लग्न झाले आहे. जेव्हा याबद्दल तिला माहिती पडले तेव्हा तिला धक्का बसला. प्रियाला लग्नाबाबत कळताच अश्वजीतने तिला जीवे मारण्याचा प्रयत्न केला.'
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.