Vijay-Rashmika Engagement: अखेर रश्मिका-विजयचं ठरलं! गुपचूप साखरपुडा उरकला; लग्नाची तारीख आली समोर

साउथ इंडस्ट्रीतून एक महत्त्वाची बातमी समोर आली आहे. नॅशनल क्रश रश्मिका मंदाना आणि दाक्षिणात्य सुपरस्टार विजय देवरकोंडा यांचा साखरपुडा झाल्याची माहिती समोर आहे.गेल्या अनेक दिवसांपासून या दोघांच्या अफेअरची चर्चा सुरु होती. त्यातच आता त्या दोघांनी साखरपुडा केला आहे.

विजय देवरकोंडा आणि रश्मिका मंदानाचा झाला साखरपुडा

विजय देवरकोंडा आणि रश्मिका मंदाना (Vijay deverakonda-Rashmika Mandanna Engagement) यांनी एका खाजगी समारंभात साखरपुडा केला आहे. M9 न्यूजने याविषयी माहिती दिली आहे. त्या दोघांनी फक्त कुटुंबातील सदस्य आणि जवळच्या मित्रपरिवारासोबत साखरपुडा केला आहे. गेल्या अनेक दिवसांपासून या दोघांच्या अफेअरच्या चर्चा सुरु होत्या. त्यानंतर आता दोघांनी एन्गेजमेंट केली आहे. या दोघांच्या नात्याबाबत अजूनही त्या दोघांनी अधिकृत घोषणा केलेली नाही.

गेल्या अनेक दिवसांपासून विजय आणि रश्मिका (Vijay deverakonda-Rashmika Mandanna Relationship) अनेकदा एकत्र स्पॉट होत होते. त्या दोघांचे एकाच ठिकाणी फिरायला गेलेले फोटोदेखील सोशल मीडियावर व्हायरल झाले होते. दोघेही एकाच ठिकाणाहून फोटो पोस्ट करायचे. त्यामुळे दोघे एकत्र फिरायला गेले असल्याचेही बोलले जात होते. त्यामुळे सोशल मीडियावर अनेक चर्चा होत होत्या. आता या दोघांचा साखरपुडा झाला आहे.

लग्नाची तारीख आली समोर (Vijay deverakonda-Rashmika Mandanna Wedding Date)

मिडिया रिपोर्टनुसार, विजय देवरकोंडा आणि रश्मिका यांच्या लग्नासाठी अजून वाट पाहावी लागणार आहे. अजून याबाबत अधिकृक माहिती समोर आलेली नाही. मिडिया रिपोर्टनुसार, रश्मिका- विजय फेब्रुवारी २०२६ मध्ये लग्न करणार आहेत. दरम्यान, याबाबत ही जोडी लवकरच अधिकृत घोषणा करेल. विजय देवरकोंडा आणि रश्मिका मंदाना यांच्या साखरपुड्याच्या बातमीने चाहत्यांना खूप आनंद झाला आहे.