Famous Director Passes Away: बॉलिवूडवर शोककळा, अमिताभ बच्चन यांच्या 'डॉन' चित्रपटाचे डायरेक्टर काळाच्या पडद्याआड

Famous Director Passes Away: बॉलिवूडचे प्रसिद्ध दिग्दर्शक चंद्रा बारोट यांचे वयाच्या ८६व्या वर्षी मुंबईत निधन झाले. त्यांनी १९७८ मध्ये प्रदर्शित झालेल्या आयकॉनिक 'डॉन' या चित्रपटाचे दिग्दर्शन केले होते. या चित्रपटात अमिताभ बच्चन यांनी डबल रोल साकारला होता आणि हा चित्रपट आजही बॉलिवूडमध्ये क्लासिक म्हणून ओळखला जातो.

चंद्रा बारोट हे गेल्या काही काळापासून आजारी होते. त्यांचं निधन मंगळवारी १६ जुलै २०२५ रोजी रात्री उशिरा मुंबईतील त्यांच्या निवासस्थानी झालं. त्यांच्या निधनाने हिंदी चित्रपटसृष्टीत शोककळा पसरली आहे.

"डॉन" चित्रपटाने बारोट यांना मोठी ओळख दिली. हा चित्रपट केवळ यशस्वीच ठरला नाही, तर त्याचे संवाद, संगीत आणि अभिनय आजही लोकांच्या मनात घर करून आहे. नंतर या चित्रपटावर आधारित रिमेक्सही तयार झाले, मात्र चंद्रा बारोट यांच्या दिग्दर्शनातील मूळ चित्रपटाला "डॉन" आजही खास मानला जातो.

चंद्रा बारोट हे अनेक वर्षांपासून सिनेसृष्टीपासून दूर होते, परंतु त्यांचे योगदान आजही सिनेरसिकांच्या स्मरणात आहे. त्यांच्या पश्चात कुटुंबीय, नातेवाईक आणि असंख्य चाहत्यांचा स्नेह राहिला आहे.