Ali Abbas Zafar : अली अब्बास जफरविरोधात गुन्हा दाखल करा, कोर्टाने का दिले आदेश? नेमकं प्रकरण काय?

अली अब्बास जफरचा (Ali Abbas Zafar) 'बडे मियाँ छोटे मियाँ' हा चित्रपट अलिकडेच रिलीज झाला आहे. या चित्रपटात बॉलिवूड अभिनेता अक्षय कुमार आणि टायगर श्रॉफ ही कमाल जोडी पाहायला मिळाली. या चित्रपटानंतर 'बडे मियाँ छोटे मियाँ' चे दिग्दर्शक अली अब्बास जफरने वासु भगनानीची (Vashu Bhagnani ) फसवणूक केल्याच्या चर्चा सोशल मीडियावर रंगल्या आहेत.

अली अब्बास जफर आणि वासु भगनानीच्या या प्रकरणात आता मोठी अपडेट समोर आली आहे. हे प्रकरण आता मुंबई न्यायालयात पोहोचले आहे. न्यायालयाने वांद्रे पोलिसांना अली अब्बासविरुद्ध एफआयआर नोंदवण्याचे आदेश दिले आहेत.

नेमकं प्रकरण काय?

'बडे मियाँ छोटे मियाँ' चित्रपटानंतर निर्माता वासु भगनानी आणि त्यांच्या मुलाने जॅकी भगनाने दिग्दर्शक अली अब्बास जफर यांच्या विरोधात फसवणुकीचा गुन्हा दाखल केला होता. मीडिया रिपोर्ट्सनुसार, भगनानी यांनी अली अब्बास जफरवर 'बडे मियाँ छोटे मियाँ' या चित्रपटादरम्यान फसवणूक, गुन्हेगारी आणि कोट्यवधी रुपयांचा घोटाळा केल्याचा आरोप केला आहे. या प्रकरणी वासु भगनानी यांनी सप्टेंबर 2024 मध्ये पोलिसांकडे तक्रार केली होती. मात्र त्यावेळी कोणतीही कारवाई करण्यात आली नव्हती. यामुळे हे प्रकरण कोर्टात गेले. यावर आता न्यायालयाने आणखी पुरावे आणि कायदेशीर कागदपत्रे मागवली आहेत.

वासु भगनानी

निर्माते वासु भगनानी हे बॉलिवूडमध्ये प्रसिद्ध आहेत. वासु भगनानी पूजा एंटरटेनमेंट या प्रोडक्शन हाऊसचे संस्थापक आहेत. त्यांनी अनेक हिट चित्रपटांची निर्मिती केली आहे.