Urvashi Rautela Birthday: उर्वशी रौतेलाने बर्थडेसाठी घातला खास डायमंड ड्रेस; पार्टीत ओरी सोबत केला भन्नाट डान्स, VIDEO व्हायरल

Urvashi Rautela Birthday Celebration: अभिनेत्री उर्वशी रौतेला तिच्या स्टाईल स्टेटमेंटसाठी खूप प्रसिद्ध आहे. आज उर्वशीचा वाढदिवस आहे. तिच्या बर्थडे पार्टीच्या ड्रेसने सर्वांना आश्चर्यचकित केल आहे. अभिनेत्रीने तिच्या वाढदिवसाच्या पार्टीचा एक व्हिडिओ शेअर केला. यामध्ये ती सोशल मीडिया सेलिब्रिटी ओरीसोबत नाचताना दिसली. अभिनेत्रीने पोस्टमध्ये सांगितले की तिने डायमंड ड्रेस घातला आहे.

उर्वशी रौतेलाचा ड्रेस व्हायरल

तिने इंस्टाग्रामवर एक व्हिडिओ शेअर केला आहे. यामध्ये ती सोशल मीडिया इन्फ्लुएन्सर ओरी (ओरहान अवतरमणी) सोबत तिचा ३१ वा वाढदिवस साजरा करताना दिसली. रौतेला तिच्या नुकत्याच प्रदर्शित झालेल्या 'डाकू महाराज' चित्रपटातील 'दाबिडी दाबीडी' गाण्यावर नाचताना दिसत आहे. इन्स्टाग्रामवर व्हिडिओ शेअर करताना अभिनेत्रीने कॅप्शन दिले, "वाढदिवसाचा ड्रेस - खऱ्या हिऱ्यांनी जडवलेला."

यापूर्वी, उर्वशी रौतेलाने दुबईमध्ये झालेल्या भारत विरुद्ध पाकिस्तान चॅम्पियन्स ट्रॉफीच्या सामन्यालाही हजेरी लावली होती. दुबई आंतरराष्ट्रीय क्रिकेट स्टेडियमच्या स्टँडमध्ये अभिनेत्रीला वाढदिवसापूर्वी एक सरप्राईजही मिळाला.

उर्वशी रौतेलाला कर्मचाऱ्यांकडून लाल चेरीचा वाढदिवसाचा केक मिळाला. तिने तिच्या इंस्टाग्रामवर केकसोबत पोज देताना एक व्हिडिओ पोस्ट केला. तिने कॅप्शनमध्ये लिहिले, "वाढदिवसाच्या सरप्राईजबद्दल धन्यवाद." दरम्यान, ओरीने इंस्टाग्रामवर एक व्हिडिओही शेअर केला. यामध्ये तो भारत-पाकिस्तान सामन्यादरम्यान 'दाबिडी दाबीडी' या गाण्यावर स्टँडमध्ये उर्वशी रौतेलासोबत नाचताना दिसला.

२०२१ मध्येही रौतेला विमानतळावर हिऱ्याचा ड्रेस परिधान करताना दिसला होता. तिने पोसिओ अँड स्कारलेटचा ५ लाख रुपयांचा बेबी पिंक ड्रेस परिधान केलेला होता. हिऱ्यांनी जडवलेल्या कोल्ड शोल्डर क्रॉप टॉप आणि मिनीस्कर्टने सर्वांचे लक्ष वेधून घेतले.