Chhavi Mittal Video: मोठा अनर्थ टळला! सेटवर अभिनेत्रीसोबत घडली मोठी दुर्घटना, अचानक केसांना लागली आग अन्...

Chhavi Mittal Hairs Caught Fire:

टीव्ही अभिनेत्री छवी मित्तलसोबत (Chhavi Mittal) मोठी दुर्घटना घडली आहे. मालिकेच्या सेटवर अचानक छवीच्या केसांना आग लागली. सुदैवाने मोठा अनर्थ टळला. अभिनेत्रीसोबत घटनास्थळी उपस्थित असलेल्या एका अभिनेत्याने हाताने ही आग विझवली. त्यामुळे थोडक्यात अभिनेत्रीचा जीव बचावला. छवीने सोशल मीडियावर हा व्हिडीओ (Chhavi Mittal Video) शेअर करत तिच्यासोबत घडलेला हा भयानक किस्सा चाहत्यांसोबत शेअर केला.

छवी मित्तल ही टिव्ही इंडस्ट्रीतील प्रसिद्ध अभिनेत्री आहे. सोशल मीडियावर सक्रिय असणारी छवी मित्तल नेहमी नवनवीन फोटो आणि व्हिडीओ शेअर करत आपल्या चाहत्यांच्या संपर्कात राहते. पण यावेळी अभिनेत्रीने आपल्या अधिकृत इन्स्टाग्रामवर असा व्हिडीओ शेअर केला आहे जो पाहून तिच्या चाहत्यांना मोठा धक्का बसला. हा व्हिडीओ पाहून तिचे चाहते देखील चिंतेत आले आहेत.

छवीने आपल्या अधिकृत इन्स्टाग्रामवर शेअर केलेल्या व्हिडीओमध्ये दिसत आहे की, अभिनेत्रीच्या केसाला अचानक आग लागते. ती म्हणते की जळण्याचा वास येत आहे. पुन्हा ती विचारते की आग तर लागली नाही ना? तर तिच्यासोबत असलेल्या अभिनेत्याने सांगितले की, हो केस जळाले आहेत. अभिनेत्रीला हे ऐकून मोठा धक्का बसतो. छवीचा हा व्हिडीओ सध्या सोशल मीडियावर तुफान व्हायरल होत आहे.

अभिनेत्रीने तिच्यासोबत घडलेल्या या भयंकर घटनेचा व्हिडिओ आपल्या अधिकृत इन्स्टाग्राम अकाऊंटवर शेअर केला आहे. हा व्हिडीओ शेअर करत तिने कॅप्शनमध्ये लिहिले की, 'सेटवर अपघात होतात, पण माझ्या केसांना आग लागणे सर्वात भयंकर होते! आधी आम्हाला सगळ्यांना काहीतरी जळत असल्याचा वास आला. मग माझ्या पाठीमागे एक मेणबत्ती असल्याचं लक्षात आले. मी थोडे पुढे गेले पण तोपर्यंत आग लागली होती आणि माझे केस जळाले होते. स्वतःच्या हातांनी ही आग विझवल्याबद्दल आणि मला वाचवल्याबद्दल करण वीर ग्रोव्हर तुझं खूप आभार.’

अभिनेत्रीच्या या पोस्टवर कमेंट्स करत महिमा चौधरीने लिहिले की, 'अरे देवा' तर करण वीर ग्रोव्हरने कमेंट्समध्ये लिहिले की, 'आधी मला वाटले की आग लागली आहे. कारण तू हॉट आहेस. पण नंतर कळलं की ती मेणबत्ती आहे.' ही घटना सेटवर घडली आहे. छवी मित्तल शूटिंगसाठी सेटवर गेली होती. यावेळी ती तिच्या पतीसोबत बोलत होती आणि अचानक तिच्या केसांना आग लागली. यावेळी अभिनेता करण वीर ग्रोवरही तिथे उपस्थित होता. त्याच्यामुळेच मोठा अनर्थ टळला.