Salaar 4th Day Collection: प्रभासचा ‘सालार’ वर्ल्डवाईड सुसाट, लवकरच ५०० कोटींचा टप्पा गाठणार

Salaar 4th Day Box Office Collection

प्रशांत नील दिग्दर्शित ‘सालार पार्ट 1: सीझफायर’ची बॉक्स ऑफिसवर जोरदार चर्चा सुरू आहे. भारतासह परदेशातही चित्रपटाने जोरदार कमाई करत आपल्या नावावर नवे रेकॉर्ड रचले आहेत. प्रदर्शनाच्या आधीपासूनच चित्रपटाची चाहत्यांमध्ये बरीच चर्चा आहे.

रिलीजच्या चार दिवसांमध्ये चित्रपटाने २५० कोटींचा टप्पा पार केला आहे. प्रभासच्या 'सालार'ला चाहत्यांकडून सकारात्मक प्रतिसाद मिळत आहे. दिवसेंदिवस चित्रपटाची क्रेझ वाढतच आहे. चला जाणून घेऊया, चौथ्या दिवशी चित्रपटाच्या कमाईचा आलेख... (Tollywood)

२२ डिसेंबरला जगभरामध्ये प्रदर्शित झालेला ‘सालार पार्ट 1: सीझफायर’ हा चित्रपट तेलुगू, कन्नड, तमिळ, मल्याळम आणि हिंदी भाषेत प्रदर्शित झाला. पहिल्या दिवसापासूनच चित्रपट बॉक्स ऑफिसवर उत्तम कामगिरी करताना दिसत आहे. दिग्दर्शक प्रशांत नील यांच्या या चित्रपटामध्ये प्रमुख भूमिकेत प्रभास आणि पृथ्वीराज सुकुमारन ही स्टारकास्ट दिसणार आहे. या व्यतिरिक्त श्रृती हासन, बॉबी सिम्हा आणि जगपती बाबू हे कलाकारही दिसणार आहेत. (Actor)

सॅकल्निकच्या अहवालानुसार, चित्रपटाने पहिल्या दिवशी ११२ कोटींची कमाई, दुसऱ्या दिवशी ५६. ३५ कोटींची कमाई, तिसऱ्या दिवशी ६१ कोटींची कमाई, तर चौथ्या दिवशी चित्रपटाने ४२. ५० कोटींची कमाई केली आहे. चित्रपटामध्ये, प्रभासच्या अभिनयाचे जितके कौतुक झाले, तितकंच त्याला ट्रोलही केलं. चार दिवसांमध्ये चित्रपटाने एकूण २५१. ६० कोटींची कमाई केली आहे. तर जगभरामध्ये चित्रपटाने चार दिवसांत ४०२ कोटींची कमाई केली आहे. (Bollywood Film)

‘सालार पार्ट 1: सीझफायर’च्या रिलीजच्या एक दिवस आधी, शाहरुख खानचा 'डंकी' थिएटरमध्ये रिलीज झाला. ॲडव्हान्स बुकिंग दरम्यान दोन्ही चित्रपटांमध्ये चुरशीची लढत पाहायला मिळाली होती. सोशल मीडियावर दोन्ही चित्रपटांची जोरदार चर्चा पाहायला मिळाली. पण या सर्वामध्ये प्रभासच्या ‘सालार पार्ट 1: सीझफायर’ने बाजी मारली. ‘सालार पार्ट 1: सीझफायर’ चित्रपट २०२३ मधील सर्वात मोठा ओपनिंग चित्रपट ठरला आहे. रिलीजनंतर चौथ्या दिवशीही बॉक्स ऑफिसवर बंपर कमाई होत असल्याचे पाहायला मिळत आहे. (Entertainment News)