Zee Natya Gaurav Puraskar: अतुल परचुरेंसाठी स्वर्गाचे दार उघडणार; झी नाट्य गौरवमध्ये आठवणींना उजाळा देणार, रंगकर्मींचा सन्मान होणार

Zee Natya Gaurav Puraskar 2025: यंदाचा ‘झी नाट्य गौरव पुरस्कार २०२५’ सोहळा हा खूप अविस्मरणीय असणार आहे. या सोहळ्यात अनेक गोड सरप्राइझ या नाट्यगौरवच्या निमित्ताने रसिकांना पाहायला मिळणार आहेत. ‘अतुल तोडणकर’ आणि ‘अद्वैत दादरकर’ हे एक प्रवेश सादर करुन दिवंगत अभिनेते अतुल परचुरे यांना श्रद्धांजली वाहणार आहेत. तर,

झी मराठीच्या इंस्टाग्राम पेजवरील रील सोशल मीडियावर मोठ्याप्रमाणात व्हायरल होत आहे. यामध्ये अभिनेता अतुल तोडणकर दिवंगत अभिनेते अतुल परचुरे यांच्या भूमिकेत प्रेक्षकांसमोर येतो आणि त्यांच्याशी संवाद साधतो. या व्हिडिओमध्ये अनेक कलाकार अतुल परचुरेंना पाहून भावूक झाल्याचे दिसत आहे. या व्हिडीओमध्ये अतुल परचुरे हे ज्येष्ठ लेखक कवी पु . ल. देशपांडे यांच्या स्वर्गातील घरी गेल्याचे दाखवण्यात आले आहे.

तसेच, या ‘झी नाट्य गौरव पुरस्कार २०२५’मध्ये जीवनगौरव पुरस्कार प्रदान करण्यात येणार आहे. यावर्षीचे जीवनगौरव पुरस्काराचे मानकरी आहेत, प्रकाश बुद्धीसागर. मराठी रंगभूमीची आयुष्यभर सेवा करणारी अनेक नाटकवेडी माणसं आपण पाहिली असतील. पण मराठी रंगभूमी हेच ज्यांचं आयुष्य आहे असे ज्येष्ठ नाट्य दिग्दर्शक आणि रंगकर्मी म्हणजे ‘प्रकाश बुद्धीसागर’. एकांकिका आणि प्रायोगिक नाटकांच्या दिग्दर्शनापासून ते अनेक लोकप्रिय व्यावसायिक नाटकांच्या दिग्दर्शनापर्यंतचा त्यांचा हा प्रवास ह्या क्षेत्रात नव्याने काहीतरी करू पाहणाऱ्या प्रत्येक कलाकाराला प्रेरणा देणारा असाच आहे.

‘झी नाट्य गौरव २०२५’ जीवनगौरव पुरस्काराचे दुसरे मानकर ठरले लेखक, दिग्दर्शक, परीक्षक, समीक्षक पुरुषोत्तम बेर्डे. लेखक, दिग्दर्शक, परीक्षक, समीक्षक अशा अनेक भूमिका निभावणारे अष्टपैलू कलाकार म्ह्णून पुरुषोत्तम बेर्डे यांना हा पुरस्कार देण्यात येणार आहे. अशा अनेक कलाकारांचा सन्मान आणि अनेक आठवणींना उजाळा देणारा हा झी नाट्य गौरव २०२५ ३० मार्च रोजी संध्या. ६ वाजता झी मराठीवर प्रसारित होणार आहे.