Mitali- Siddharth Good News Rumours: सिद्धार्थ- मिताली ‘गुड न्यूज’ देणार?, अभिनेत्रीने शेअर केलेल्या कॅप्शनने वेधलं लक्ष

Mitali Mayekar Siddharth Chandekar News:  मराठी टेलिव्हिजनसृष्टीत नेहमीच रोमँटिक फोटोंसाठी चर्चेत राहणाऱ्या सिद्धार्थ चांदेकर आणि मिताली मयेकर सध्या एका वेगळ्याच कारणासाठी चर्चेत आहे. या जोडीने २०२१ मध्ये लग्नगाठ बांधली असून हे क्यूट कपल नेहमीच आपल्या हटक्या लव्हस्टोरी मुळे चर्चेत असतात. सिद्धार्थ- मिताली या दोघांनीही प्रेक्षकांचे मालिका आणि चित्रपटांमधून प्रेक्षकांचे निखळ मनोरंजन केले आहे. नेहमीच सोशल मीडियावर सक्रिय राहणाऱ्या मिताली एका पोस्टमुळे बरीच चर्चेत आली आहे. सध्या सोशल मीडियावर ही जोडी लवकरच गुड न्यूज देणार असल्याची चर्चा होत आहे.

नेहमीच वेगवेगळ्या फोटोंसाठी चर्चेत राहणाऱ्या मिताली- सिद्धार्थच्या रोमँटिक फोटोंची सोशल मीडियावर अनेकदा चर्चा होते. गेल्या काही दिवसांपूर्वी ही जोडी युरोप ट्रिपमध्ये व्यग्र होते. पॅरिसमधील सिद्धार्थ- मितालीच्या आयफेल टॉवरवरील रोमँटिक फोटोंनी इंटरनेटवर बरीच चर्चा झाली होती. दरम्यान, मितालीच्या बिकीनीतील फोटोंनीही नेटकऱ्यांचे लक्ष वेधले होते. नुकतेच मितालीने शेअर केलेल्या एका फोटोमुळे सोशल मीडियावर ही जोडी लवकरच गुडन्यूज देणार असल्याच्या चर्चांना उधाण आलं आहे.

अभिनेत्रीने शेअर केलेल्या फोटोत, मिताली काळ्या रंगाच्या वनपीसमध्ये दिसत आहे. कर्ली केस आणि लाईट मेकअप करत अभिनेत्रीने आपला लूक पुर्ण केला आहे. फोटो क्लिक करताना अभिनेत्री एका बेंचवर बसलेली दिसत असून या पोस्टला ‘मॉमीज गेटिंग हॉट’ असं कॅप्शन देत फोटो शेअर केला आहे. मितालीने पोस्टला कॅप्शन देताना, मम्मी म्हटल्यामुळे तिच्या पोस्टवर नेटकऱ्यांच्या नजरा खिळल्या आहेत. अनेक युजर्सने तिच्या कमेंटवर मम्मी म्हटलं आहे. तर अनेकांनी तिच्यावर अभिनंदनाचाही वर्षाव केला आहे.

नेहमीच हटक्या कॅप्शनसाठी ओळखली जाणारी मिताली यावेळी कॅप्शनमुळे चर्चेत आली आहे. मितालीचे हे कॅप्शन पाहून नेटकऱ्यांनी तू खरंच गुड न्यूज देणार आहे का? असा प्रश्न विचारला. मम्मी म्हणजे तुला नक्की काय म्हणायचंय?, तुम्ही खरंच आईबाबा होणार आहात का? असे अनेक प्रश्न नेटकऱ्यांनी मिताली- सिद्धार्थला सोशल मीडियावरून विचारले.

मिताली- सिद्धार्थ यांनी २४ जानेवारी २०२१ रोजी पुण्यातील ढेपेवाड्यात मराठमोळ्या पद्धतीने लग्नगाठ बांधली आहे. सोशल मीडियावर त्यांच्या लग्नाचे फोटो आणि व्हिडिओ चांगलेच व्हायरल झाले आहेत. लग्नाआधी ही जोडी काही काळासाठी लिव्ह इन रिलेशनशिपमध्ये होते.