'सोनपरी' मालिकेत फ्रुटीची भूमिका साकारून चिमुकल्यांच्या मनात ठाण निर्माण करणारी तन्वी हेडगे (Tanvi Hedage) ही सर्वांच्या लक्षात राहिली आहे. तर तिच्या सोबत मराठमोळ्या मृणाल कुलकर्णीने सोनपरीची भूमिका साकारली होती. ही फ्रुटी आता काय करते? तिच्या सोबतचे अल्टू अंकल कुठे असतात? असे अनेक प्रश्न प्रेक्षकांना पडत असतात.
ही फ्रुटी म्हणजेच तन्वी हेडगे आता मोठी झाली असून २४ वर्षांनी तिने सोनपरी आणि अल्टू अंकलसोबतचा एक फोटो शेअर केला आहे. सोनपरीच्या पोस्टरवर जसा फोटो आहे. तोच फोटो आता त्यांनी २४ वर्षांनी रिक्रिएट केला आहे.
सोनपरीमध्ये फ्रुटी, तर बाजूला सोनपरी म्हणजेच मृणाल कुलकर्णी (Mrunal Kulkarni ) आणि अल्टू अंकल म्हणजेच अशोक लोखंडे आहेत. फ्रुटीने दोघांच्या हनुवटीवर हात ठेवला आहे. अगदी नॉस्टॅल्जिक असा हा फोटो आहे. फोटो पोस्ट करत तन्वीने तिच्या इंस्टाग्रामवर लिहिले, "सोनपरी पुनर्मिलन" तिने "#IktuBiktuJhimPatuta" हॅशटॅग जोडला.
रियुनियनच्या आधी, तन्वीने सोन परीच्या सेटवरील थ्रोबॅक फोटो शेअर केले. त्यावर '' माझ्या काही आवडत्या सोन परीच्या आठवणींना उजाळा'' असे लिहीत तन्वीने १०० व्या एपिसोड मधील फोटो शेअर केले आहे. तसेच तिने नेपाळमधील आठवणी, फुटबॉल सामना, ख्रिसमस आणि बऱ्याच आठवणी शेअर केल्या आहेत. तिने तिच्या कॅप्शनमध्ये लिहिले, "मला तुमचा आवडता भाग सांगा आणि मी सर्वोत्तम भाग पिन करेन." असेही तिने लिहिले आहे.
तन्वीने फोटो शेअर करत लिहिले, "बरेच जण मला विचारतात की तुम्ही अजूनही भेटता का, संपर्कात आहात का आणि एकत्र कधी दिसाल. आम्ही तुमची इच्छा पूर्ण केली आहे. सेटवरचे माझे पालकच आहेत हे आणि बेस्ट सहकलाकार आहेत. आठवणींना उजाळा मिळाला."
तन्वी हेगडे 'वरवरचे वधू' हे नाटक बघण्यासाठी आली होती. मृणाल कुलकर्णीचा लेक विराजसनेच हे नाटक लिहिले आणि दिग्दर्शित केले आहे. या नाटकानंतर सोनपरीचं हे रियुनयन झालं.
तन्वीच्या या पोस्टवर चाहत्यांनीही भरभरुन कमेंट्स केल्या आहेत. 'कमबॅक करा प्लीज', 'बचपन की यादें', 'आणखी एक सीझन घेऊन या' असं म्हणत चाहते व्यक्त झाले आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.