Tanushree Dutta: 'सुशांतप्रमाणेच काहीसं माझ्याबाबतीत...'; तनुश्री दत्ताने व्यक्त केली भीती, म्हणाली...

Tanushree Dutta: अभिनेत्री तनुश्री दत्ताने पुन्हा एकदा मोठा गौप्यस्फोट केला असून तिने स्वतःच्या सुरक्षेबाबत आणि मानसिक त्रासाबाबत गंभीर चिंता व्यक्त केली आहे. तिने दावा केला आहे की, तिच्याविरुद्ध काही लोक कट करत असून तिची बदनामीसह मानसिक आणि शारीरिक नुकसान करण्याचा प्रयत्न करत आहे.

तनुश्री म्हणाली, "मी सोमवारी पोलिस स्टेशनला जाणार आहे. माझे वकील आणि काही मित्र माझ्यासोबत असतील. मी सर्व गोष्टी लिहून नेणार आहे कारण मला काहीही विसरायचं नाही. गेल्या पाच वर्षांत जे काही घडलं, ते सर्व मी लिहून नेणार आहे."

तिने पुढे गंभीर आरोप करत सुशांत सिंह राजपूतच्या मृत्यूचा संदर्भ दिला आणि म्हटलं, "सुशांत सिंह राजपूत याच्या बाबतीत जे झालं, तसंच काहीसं माझ्याबाबतीतही घडत आहे. एक लॉबी आहे जी मला बदनाम करण्याचा आणि माझं नुकसान करण्याचा प्रयत्न करत आहे." तनुश्रीने तिच्या दैनंदिन जीवनात घडलेल्या संशयास्पद घटना उघड करत सांगितलं की, "माझ्या घरी जी मेड कामाला येत होती, ती एकदमच यायला बंद झाली. नंतर एक दिवस ती आली आणि म्हणाली की वॉचमन म्हणतो 'सीडीओकडे जा', म्हणून मी येत नव्हते." तिने आणखी एक धक्कादायक गोष्ट उघड केली की, "माझ्या माहितीनुसार, अचानकच सिक्युरिटी कंपनी बदलण्यात आली होती. जुनी कंपनी हटवून नवीन कंपनी नेमण्यात आली होती."

गेल्या काही वर्षांत तनुश्री दत्ताने #MeToo मोहिमेद्वारे बॉलिवूडमधील कास्टिंग काउचचे वास्तव उघड केली होती. आता तिच्या या नव्या खुलास्यांमुळे पुन्हा एकदा इंडस्ट्रीमधील दबावगट आणि लॉबी यांची चर्चा रंगण्याची शक्यता आहे.