Tamannaah Bhatia Confirm Relationship: तमन्ना भाटीयाने अफेअरच्या चर्चांना दिला पूर्णविराम, विजयसोबतच्या प्रेमाची दिली कबुली, म्हणाली...

Tamannaah Bhatia News: ‘बाहुबली’ फेम अभिनेत्री तमन्ना भाटिया (Tamanna Bhatia) आणि ‘दहाड’ फेम अभिनेता विजय वर्मा (Vijay Varma) सध्या चर्चेत आहेत. गेल्या अनेक दिवसांपासून तमन्ना आणि विजय एकमेकांना डेट करत असल्याची चर्चा रंगली होती. दोघांना अनेकदा माध्यमकर्मींनी एकत्र स्पॉट देखील केलं आहेत. अखेर आता तमन्नाने विजयसोबत असलेल्या नात्यावर भाष्य केलं आहे.

तमन्ना भाटिया आणि विजय वर्मा या दोघांचीही ‘लस्ट स्टोरीज २’ च्या सेटवर झाली होती. अमित रवींद्रनाथ शर्मा, कोंकणा सेनशर्मा, आर बाल्की आणि सुजॉय घोष दिग्दर्शित केलेला हा त्यांचा एकत्र पहिला चित्रपट होता.

गोव्यातील एका पार्टीनंतर तमन्ना भाटिया आणि विजय वर्मा पहिल्यांदाच प्रकाशझोतात आले. दोघांचाही पार्टीमध्ये लिपलॉक केलेला एक व्हिडिओ सोशल मीडियावर तुफान व्हायरल झाला होता. तेव्हापासून या दोघांच्या अफेअरची सतत चर्चा होत होती. या कपलला अनेकवेळा एकत्र स्पॉट केलं होतं. तरी सुद्धा दोघांनीही आपल्या नात्याबद्दल कधीही भाष्य केलं नव्हतं.

नुकतंच तमन्नाने त्यांच्या रिलेशनवर एका मुलाखतीत भाष्य केलं आहे, ती म्हणते, “मला वाटत नाही की तुमचा तो सहकलाकार असल्याने तुम्ही त्याच्याकडे आकर्षित होतात. आजवर मी माझ्या सिनेकारकिर्दित अनेक अभिनेत्यांसोबत काम केलंय. पण जेव्हा तुम्ही त्यातील एका संबंधित व्यक्तीच्या प्रेमात पडतात, त्यावेळी तुम्ही त्याच्या फार जवळ जातात, ही खूपच वैयक्तिक गोष्ट आहे.”

सोबतच तमन्नाने जेव्हा विजयसोबतच्या नात्यावर भाष्य केले, ती म्हणते, “माझं आणि विजयचं नातं खूप खास आहे. भारतात आपल्या जोडीदारासाठी अनेक गोष्टी बदलव्या लागतात. पण विजयने मला जशी आहे तशीच मला स्विकारलंय. तो माझ्यासाठी खूपच खास असून तो नेहमीच माझी काळजी घेतो. विजय आता माझ्या आनंदीत राहण्याचं कारण झाला आहे.”

तमन्ना आणि विजयची पहिली भेट ‘लस्ट स्टोरीज २’ च्या सेटवर झाली होती. हा दोघांचाही पहिला एकत्रित चित्रपट आहे. त्या चित्रपटाचे दिग्दर्शन मित रविंद्रनाथ शर्मा, कोंकणा सेन शर्मा, आर बाल्कि आणि सुजॉय घोष यांनी एकत्रित केले होते. आता दोघांचेही चाहते त्यांचा लग्नासोबतच आगामी चित्रपटाचीही उत्सुकता आहे.