Tadka On Zee5: प्रकाश राज दिग्दर्शित 'तडका' सहा वर्षांनी होणार प्रदर्शित, काय आहे कारण? वाचा

Tadka On Zee5 OTT Release: दाक्षिणात्य चित्रपटांचा सध्या बोलबाला आहे. दाक्षिणात्य चित्रपट आणि वेबसीरीज यांचे सगळीकडे वर्चस्व पाहायला मिळत आहे. दाक्षिणात्य चित्रपटांचे हिंदी रिमेकही चांगलेच गाजले आणि त्यांनी बॉक्स ऑफिसवर सुद्धा चांगली कमाई केली आहे. अशातच दाक्षिणात्य अभिनेते प्रकाश राज हे त्यांचा हिंदी चित्रपट घेऊन प्रेक्षकांच्या भेटीला येत आहे. तसेच हा चित्रपट ओटीटीवर प्रदर्शित होणार आहे.

प्रकाश राज या चित्रपटाच्या माध्यमातून दिग्दर्शन क्षेत्रात पदार्पण करणार आहेत. 'तडका' असे या चित्रपटाचे नाव आहे. बऱ्याच प्रतिक्षेनंतर हा चित्रपट प्रदर्शित होत आहे. 'तडका' चित्रपटगृहांमध्ये प्रदर्शित न होता ओटीटीवर प्रदर्शित होत आहे. (OTT)

'तडका' चित्रपटाचे पोस्टर नुकतेच प्रदर्शित करण्यात आले आहे. 'तडका - लव्ह इज कूकिंग' ४ नोव्हेंबरला 'झी5'वर प्रदर्शित होणार आहे. 'तडका'च्या पोस्टवर एक कढई दाखविण्यात आली आहे. तसेच त्या कढईमध्ये चित्रपटातील सर्व कलाकारांना ठेवण्यात आले आहे. (Movie)

'तडक' मल्याळम चित्रपट 'सॉल्ट अन पेपर' या चित्रपटचा रिमेक आहे. २०११ साली प्रदर्शित झालेला 'सॉल्ट अन पेपर' हा चित्रपट ब्लॉकबस्टर ठरला होता. या चित्रपटाचे दिग्दर्शन आशिक बाबू यांनी केले होते.

'तडका' या आगामी चित्रपटामध्ये नाना पाटेकर, तापसी पन्नू, श्रिया सरन, अली फजल आणि राजेश शर्मा मुख्य भूमिकेत दिसणार आहेत. या चित्रपटाचे शूटिंग २०१६ मध्ये पूर्ण झाले होते. या चित्रपटाची कथा दोन जोडप्यांवर आधारित आहे. चित्रपटातील प्रमुख कलाकार कालिदास आणि पुरातत्त्वशास्त्रज्ञ माया तसेच मिनाक्षीआणि मनू यांच्याभोवती ही कथा फिरते.