प्रत्येक भारतीयाला गर्व वाटेल असं काम एका भारतीय सिनेमानं केलंय. दाक्षिणात्य सुपरस्टार सुर्याच्या (surya sivakumar) जय भीम चित्रपटाचं भारतात नव्हेच तर जगभर कौतुक झालं. सत्य घटनेवर आधारित या चित्रपटाने अनेक विक्रम मोडित काढले. आता या चित्रपटानं आणखी एक नवा रेकॉर्ड केला आहे. जय भीम (Jai Bhim Movie) हा चित्रपट ऑस्करच्या (Ocsar) अधिकृत यूट्यूब चॅनेलवर (Youtube Channel) झळकणारा पहिला भारतीय चित्रपट ठरला आहे. त्यामुळे या चित्रपटाच्या टीमच्या शिरपेचात मानाचा आणखी एक तुरा रोवला गेला आहे. (Jai Bhim: Suriya's Film Features On Oscars' YouTube Channel)
हे देखील पहा -
काही दिवसांपूर्वी IMDb ने 2021 मधील लोकप्रिय ठरलेल्या सिनेमांची यादी जाहीर केली होती. या यादीमध्ये जय भीम (Jai Bhim) या चित्रपटाने पहिला क्रमांक पटकवला होता. तामिळनाडूमधील (Tamilnadu) सत्य घटनेवर आधारित चित्रपट जय भिम अॅमेझॉन प्राईमवर (Amazon Prime) रिलीज करण्यात आला होता. साऊथचा सुपरस्टार सुर्या सिवकुमारची (Suriya Sivakumar) मुख्य भुमिका असलेला हा चित्रपट तमिल, तेलुगु, हिंदी, कन्नड़ आणि मलयालम या पाच भाषांमध्ये प्रदर्शीत झाला. तमिळनाडूमध्ये ९० च्या दशकात झालेल्या दलितांवरील अत्याचाराबाबत हा चित्रपट आहे. यात सुर्या वकिलाच्या भुमिकेत असून चित्रपटाचा बहुतांश भाग कोर्टरुम ड्रामावर आधारित आहे.
Edited By - Akshay Baisane
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.