Sunny Deol's Son Karan Deol Too Marry Soon: सनी देओलने गुपचूप उरकला मुलाचा साखरपुडा; लवकरच अडकणार लग्नबंधनात

Sunny Deol's son Karan Deol to marry in June: बॉलिवूड अभिनेता सनी देओलचा मुलगा करण देओल लवकरच लग्नबंधनात अडकणार आहे. धर्मेंद्र - प्रकाश कौर यांच्या लग्नाच्या वाढदिवशी करणचा साखरपुडा झाल्याचे सांगण्यात येत आहे. जरा साखरपुडा गपचूप झळा तसेच लग्न देखील अगदी कमी लोकांमध्ये करण्यात येईल असे बोलले जात आहे.

करणच्या रिलेशनशिपविषयी बरीच माहिती अद्याप कळलेली नाही. देओल कुटुंबातील एका जवळच्या व्यक्तीने दिलेल्या माहितीनुसार करण आणि त्याच्या होणारी पत्नी दोघे एकमेकांना बऱ्याच काळापासून डेट करत होते. त्या दोघांच्या लग्नाने त्यांचे कुटुंबीय खूप आनंदी आहेत. करणच्या लग्नाची तयारी सुरू झाली आहे.

पिंकविलाने दिलेल्या माहितीनुसार, करण कोणाला डेट करत आहे हे अद्याप समजलेले नाही. त्यांची ही बातमी खासगी ठेवली आहे. दोघांनी एकमेकांना काही काळ डेट केल्यानंतर लग्न करण्याचा निर्णय घेतला. (Latest Entertainment News)

धर्मेंद्र आणि प्रकाश कौर यांच्या लग्नाच्या वाढदिवशी करणचा साखरपुडा पार पडला. लग्न समारंभ काही दिवसात आयोजित करण्यात येणार आहे. करणच्या लग्नात देओल कुटुंबाव्यतिरिक्त जवळचे नातेवाईक आणि मित्र परिवार उपस्थित राहणार आहेत.

सनी देओल अन करण देओल यांचे नाते खूप घट्ट आहे, दोघे एकमेकांच्या खूप जवळ आहेत. करण देओल २०१९ साली आलेल्या 'पल पल दिल के पास' या चित्रपटातून बॉलिवूडमध्ये पदार्पण केले होते. बॉक्स ऑफिस या चित्रपटाने समाधानकारक कलेक्शन केले होते.

सनी देओल लवकरच 'गदर २'मध्ये दिसणार आहे. ११ ऑगस्टला हा चित्रपट प्रदर्शित होणार आहे. या चित्रपटामध्ये अमिषा मुख्य भूमिकेत दिसणार आहे. २००१ साली आलेल्या गदर या चित्रपटाचा हा दुसरा भाग आहे.