Sunny Deol: लाजा वाटत नाहीत का? घरापर्यंत आलेल्या पॅप्सला सनी देओलने घातल्या शिव्या

Sunny Deol: गेल्या काही दिवसांपासून बॉलिवूडचे 'ही-मॅन' धर्मेंद्र यांच्या प्रकृतीबाबत सोशल मीडियावर चर्चा रंगल्या आहेत. गेल्या सोमवारी धर्मेंद्र यांची प्रकृती बिघडल्यामुळे त्यांना रुग्णालयात दाखल करण्यात आले होते. तेव्हापासून धर्मेंद्र यांच्या प्रकृतीबाबत विविध दावे केले जात आहेत. कुटुंबाने मीडियाला गोपनीयतेची विनंती केली. तथापि, त्यानंतरही धर्मेंद्र यांच्या प्रकृतीबाबतच्या बातम्या सोशल मीडियावर फिरत राहिल्या. तसेच त्यांच्या निधनाच्या बातम्याही समोर आल्या. आता सनी देओलने या कृत्याबद्दल पापाराझींवर राग व्यक्त केला आहे.

सनी देओल यांचा पापाराझींवर राग

सोशल मीडियावर सनी देओलचा एक व्हिडिओ समोर आला आहे. हा व्हिडिओ त्याच्या घराबाहेरचा आहे. सनी देओल त्याच्या घराबाहेर असलेल्या पापाराझींना पाहताच त्याचा राग अनावर झाला आणि रागात सनी देओल म्हणला, "तुम्हाला लाज वाटली पाहिजे... तुमच्या घरात आई-वडील आणि मुलं नाहीत का?... तुम्ही 'चू***' असे व्हिडिओ बनवत आहात. तुम्हाला लाज वाटत नाही का?"

सोशल मीडिया नेटकरी काय म्हटले

सनी देओलच्या या व्हिडिओवर सोशल मीडिया नेटकऱ्यांच्या प्रतिक्रिया आल्या आहेत. एका नेटकऱ्याने लिहिले, "सनी देओलने बरोबर काम केले." दुसऱ्या एका युजरने लिहिले, "सनी देओलचा राग योग्य आहे." आणखी एका युजरने लिहिले, "साहेब, त्यांना माझ्याकडून आणखी दोन शिव्या द्या." दुसऱ्या एका युजरने लिहिले, "पाजी अगदी बरोबर आहे." दुसऱ्या एका युजरने लिहिले, "त्यांना एकटे सोडा, त्यांचे वडील बरे नाहीत."

१० नोव्हेंबर रोजी धर्मेंद्र यांना रुग्णालयात दाखल केले. तर, १३ नोव्हेंबर रोजी डिस्चार्ज देण्यात आला आणि घरी आणण्यात आले. कुटुंबाकडून अधिकृत निवेदनात म्हटले आहे की धर्मेंद्र यांची घरीच काळजी घेतली जाईल. कुटुंबाने माध्यमांना आणि जनतेला त्यांना प्रायव्हसी देण्याची विनंती केली आहे.