Gadar 2 Poster Out: ढाई किलोचा हात नाही तर हातोडा घेऊन येतोय सनी देओल, गदर २ लवकरच येणार प्रेक्षकांच्या भेटीला

Gadar 2: The Katha Continues Movie Releasing Soon: बॉलिवूडमधील सर्वात गाजलेली प्रेमकथा तारा सिंह आणि साकीना यांची. 'गदर: एक प्रेमकथा' हा चित्रपट २००१ साली प्रदर्शित झाला होता. या चित्रपटातील ही प्रेमकथा अजूनही सर्वांच्या लक्षात आहेत. आता या चित्रपटाचा दुसरा भाग लवकरच प्रेक्षकांच्या भेटीला येणार आहे. नुकताच या चित्रपटाचे पोस्टर प्रदर्शित करण्यात आले आहे.

२६ जानेवारीनिमित्त प्रेम आणि देशप्रेम मांडणाऱ्या या चित्रपटचे हे पोस्टर प्रदर्शित करण्यात आले आहे. सनी देओलने 'गदर २' या चित्रपटाचे पोस्टर सोशल मीडियावर शेअर केले आहे. या पोस्टरमध्ये सनी देओलच्या हातात मोठा हातोडा दिसत आहे. तसेच पोस्टरवर हिंदुस्थान जिंदाबाद असे लिहिले आहे.

हिरवी पगडी आणि काळा कुर्ता आणि पायजमा घातलेला असा सनी देओल या पोस्टरमधील लूक आहे. पोस्टरसह सानी देओलने चित्रपट कधी प्तादर्शित होणार, हे सांगितले आहे. 'हिंदुस्थान झिंदाबाद है... झिंदाबाद था... ओर झिंदाबाद रहेगा! या प्रजासत्ताकदिनी २० वर्षानंतर आम्ही घेऊन आलो आहोत भारतीय सिनेमातील सर्वात मोठ्या चित्रपटाचा दुसरा भाग. #गदर २' अशी पोस्ट सनी देओलने केली आहे.

पोस्ट करताना सनी देओलने सर्व भारतीयांना प्रजासत्ताक दिनाच्या शुभेच्छा देखील दिल्या आहेत. 'गदर २' या चित्रपटाची वाट चित्रपटप्रेमी गेली अनेक वर्ष पाहत होते. अखेर २० वर्षांनी या चित्रपटची घोषणा करण्यात आली. ११ ऑगस्ट, २०२३ रोजी हा चित्रपट प्रेक्षकांच्या भेटीला येणार आहे.