Sunita Ahuja: 'गोविंदा त्याच्या सर्व हिरोईनसोबत फ्लर्ट...'; सोनाली बेंद्रेच्या शोमध्ये पत्नी सुनीताने केला धक्कादायक खुलासा

Sunita Ahuja On Govinda Secret: काही दिवसांपूर्वी गोविंदा आणि सुनीता आहुजाच्या घटस्फोटाच्या अफवांनी बरीच चर्चा रंगवली होती. मात्र, नंतर दोघेही एकत्र आले आणि त्यांनी या अफवांना पूर्णपणे खोडून काढले. आता सुनीता सोनाली बेंद्रे आणि मुनावर फारुकी यांच्या 'पती पत्नी और पंगा' या रिअॅलिटी शोमध्ये पाहुणी म्हणून आली होती. येथे तिने गोविंदाबद्दल अनेक खुलासे केले. सुनीता म्हणाली की गोविंदा त्याच्या काळातील प्रत्येक हिरोईनसोबत फ्लर्ट करायचा.

गोविंदा सोनाली बेंद्रेसोबत फ्लर्ट करत नव्हता

'पती पत्नी और पंगा'च्या आगामी भागात सुनीता आहुजा पाहुणी म्हणून दिसणार आहे. यादरम्यान, तिने गोविंदाबद्दलचे अनेक किस्से सांगितले. आता अलिकडच्या प्रोमोमध्ये सुनीता म्हणाली की गोविंदा त्याच्या काळातील प्रत्येक हिरोईनसोबत फ्लर्ट करायचा. सुनीता म्हणाली की सोनाली बेंद्रे ही एकमेव अभिनेत्री होती जिच्यासोबत गोविंदाने कधीही फ्लर्ट केले नाही. हे ऐकून सेटवर उपस्थित असलेले सर्वजण आश्चर्यचकित झाले. कारण सोनाली बेंद्रेने गोविंदासोबत तिच्या कारकिर्दीतील पहिला मोठा हिट 'आग' चित्रपट केला होता.

याशिवाय, एका प्रसंगी सुनीता म्हणते की तुम्ही या शोचे नाव 'पती पत्नी और पंगा' फक्त माझ्या आणि गोविंदावर ठेवले आहे का? यानंतर सर्वजण जोरात हसायला लागतात. या दरम्यान, सर्वांनी गोविंदाच्या 'मैं तो रास्ते से जा रहा था' या गाण्यावर डान्स देखील केला.

पती पत्नी और पंगा

'पती पत्नी और पंगा' हा एक रिअॅलिटी शो आहे. मुन्नवर फारुकी आणि अभिनेत्री सोनाली बेंद्रे शो होस्ट करत आहेत. या शोमध्ये पती-पत्नीचा रिअ‍ॅलिटी चेक आहे. शोमधील पती-पत्नी कपलमध्ये रुबिना दिलाइक आणि अभिनव शुक्ला, हिना खान आणि रॉकी जयस्वाल, स्वरा भास्कर आणि फहाद अहमद, गीता फोगट आणि पवन कुमार, गुरमीत चौधरी आणि देबिना बॅनर्जी, सुदेश लाहिरी आणि ममता लाहिरी, अविका गौर आणि मिलिंद चांदवानी आणि ईशा मालवीय आणि अभिषेक कुमार हे स्पर्धक आहेत. हा शो शनिवार-रविवार रात्री ९ वाजता कलर्स आणि जिओ हॉटस्टारवर प्रसारित होतो.