Subodh Bhave Emotional Post : तुमची प्रतिमा कायम मनात कोरली गेली; सुबोध भावेची रवींद्र महाजनींसाठी भावुक पोस्ट

Subodh Bhave Share Post For Ravindra Mahajani : सुप्रसिद्ध मराठी अभिनेते रवींद्र हनुमंत महाजनी यांच निधन झालं आहे. मावळच्या तळेगाव दाभाडीमधील आंबी येथील घरात शुक्रवारी सायंकाळी चारच्या सुमारास त्यांचा मृतदेह आढळून आला. रवींद्र यांचं वय ७७ वर्ष होतं. त्यांचा मृत्यू साधारण: तीन दिवसांपूर्वी झाला असल्याची माहिती पोलिसांनी दिली आहे.

रवींद्र महाजनी यांच्या निधनानंतर मराठी चित्रपटात सृष्ट्टीतील कलाकार पोस्टकरून शिक व्यक्त करत आहेत. दरम्यान अभिनेता सुबोध भावेने सोशल मीडियावर पोस्ट करत रवींद्र महाजनी यांना श्रद्धांजली वाहिली आहे. (Latest Entertainment News)

सुबोध भावेने त्याच्या पोस्टमध्ये लिहिले आहे की, "मराठी चित्रपटातील माझं व्यावसायिक अभिनेता म्हणून पहिलं पाऊल रविंद्र महाजनी यांनी निर्मिती आणि दिग्दर्शन केलेल्या " सत्तेसाठी काहीही " या चित्रपटातून पडले.

अतिशय रूबाबदार, विलक्षण देखणे, खऱ्या अर्थाने मराठी मधील handsome नायक , कायम हसतमुख अशीच तुमची प्रतिमा कायम मनात कोरली गेली आहे. दादा तुम्हाला भावपूर्ण श्रद्धांजली"

सुबोधच्या या पोस्टवर अनेक नेटकरी कमेंट करून रवींद्र महाजनी यांना श्रद्धांजली देत आहेत.

रवींद्र महाजनी यांना गश्मीर महाजनी हा एकुलता एक मुलगा आहे. गश्मीर देखील एक अभिनेता आहे. तो मुंबईत राहतो.

रवींद्र यांनी अमिताभ बच्चन यांच्या ‘सात हिंदुस्तानी’ चित्रपटातून बॉलीवूडमध्ये पदार्पण केलं होतं. ‘गोंधळात गोंधळ’ सिनेमातून मराठी चित्रपटसृष्टीत पदार्पण केलं. ‘जाणता अजाणता’ नाटकातील त्यांची भूमिका विशेष गाजली होती. त्यांनी ‘झुंज’, ‘आराम हराम आहे’, ‘देवता’, ‘मुंबईचा फौजदार’, ‘लक्ष्मीची पाऊले’ यामध्ये काम केलं. मराठी शिवाय त्यांनी हिंदी, मराठी व गुजराती चित्रपटांमध्ये काम केलं.

‘सत्तेसाठी काहीही’ या चित्रपटातून त्यांनी निर्मिती व दिग्दर्शन क्षेत्रात पाऊल ठेवलं. रवींद्र यांचा मुलगा गश्मीर महाजनीदेखील उत्तम डान्सर व अभिनेता आहे, त्याने वयाच्या १५ व्या वर्षी स्वतःची डान्स अकॅडमी सुरू केली होती. या बापलेकाच्या जोडीने ‘पानीपत’ व ‘देऊळबंद’ चित्रपटात एकत्र काम केलं होतं. मुलाच्या ‘कॅरीऑन’ चित्रपटात त्यांनी कॅमिओ केला होता.