डॉक्युमेंटरीचा वाद सुरू असतानाच Dhanush अन् Nayanthara यांची एकाच सोहळ्याला हजेरी, 'तो' व्हिडीओ होतोय तुफान व्हायरल

धनुष (Dhanush) आणि नयनतारा (Nayanthara ) हे दोन्ही साऊथचे मोठे सुपरस्टार आहेत. आपल्या अभिनयाने यांनी प्रेक्षकांच्या मनात घर केल आहे. सध्या या दोघांचा एक व्हिडीओ सोशल मीडियावर तुफान व्हायरल होत आहे. या व्हिडीओमध्ये नयनतारा आणि धनुष एकमेकांना इग्नोर करताना पाहायला मिळत आहेत.

नयनतारा आणि धनुष सध्या डॉक्युमेंटरीच्या वादामुळे चर्चेत आहेत. नयनताराची डॉक्युमेंटरी 'नयनतारा: बियॉन्ड द फेअरी टेल'वरून हा वाद सुरू आहे. या वादानंतर नयनतारा आणि धनुष आता एका लग्नसोहळ्यात एकत्र स्पॉट झाले. म्हणजे या लग्नसोहळ्याला दोघांनीही उपस्थिती लावली होती. मात्र एकमेकांना ओळख न दाखवता त्यांनी एकमेकांकडे पूर्णपणे दुर्लक्ष केले. त्यांचा हा व्हिडीओ सोशल मीडियावर तुफान व्हायरल होत आहे. हा लग्नसोहळा निर्माता आकाश भास्करन यांचा होता. हा सोहळा गुरुवारी पार पडला.

सोशल मीडियावर व्हायरल होणाऱ्या व्हिडीओमध्ये तुम्ही पाहू शकता की, लग्नसोहळ्यात दोघही वेगवेगळ्या बाजूंना पहिल्या रांगेत बसलेले दिसत आहेत. तसेच एकमेकांकडे दुर्लक्ष करत आहेत. व्हिडीओमध्ये नयनतारा पाहुण्याशी गप्पा मारताना तर धनुष स्टेजकडे पाहताना दिसत आहेत. मीडिया रिपोर्टनुसार, 'नानुम राऊडी धान' या चित्रपटाच्या तीन सेकंदांचा बिहाइंड द सीनमुळे हा वाद झाला.

नयनतारा या लग्नसोहळ्याला तिच्या नवऱ्यासोबत म्हणजे विग्नेश शिवनबरोबर आली होती. नयनतारा छान गुलाबी रंगाची साडी नेसली होती. नयनताराचे चाहते दिवाने आहेत. इंस्टाग्रामवरील तिच्या प्रत्येक फोटोंवर चाहते भरभरून कमेंट्स करतात. चाहते यांच्या चित्रपटांची आतुरतेने वाट पाहतात.