Son Of Sardaar 2 VS Dhadak 2 : अजय-मृणालची जोडी सुपरहिट, दुसऱ्या दिवशी सिद्धांतच्या चित्रपटानं कमावले फक्त 'इतके' कोटी

'सैयारा'नंतर बॉक्स ऑफिसवर दोन चित्रपट रिलीज झाले आहेत. पहिला अजय देवगनचा (Ajay Devgn) 'सन ऑफ सरदार 2'(Son Of Sardaar 2) आणि दुसरा सिद्धांत चतुर्वेदीचा (Siddhant Chaturvedi) 'धडक 2'(Dhadak 2). दोन्ही चित्रपट बॉक्स ऑफिसवर आपले स्थान निर्माण करण्याचा प्रयत्न करत आहेत.

'सन ऑफ सरदार 2' बॉक्स ऑफिसवर चांगले यश मिळत आहे. चित्रपटाच्या कलेक्शनमध्ये दिवसेंदिवस वाढ होताना पाहायला मिळत आहे. मात्र 'धडक 2'ची संथ सुरूवात पाहायला मिळत आहे. ज्यामुळे 'सन ऑफ सरदार 2'ने 'धडक 2'ला मागे टाकले आहे. चित्रपटांचे कलेकेशन जाणून घेऊयात.

अजय देवगन- मृणाल ठाकुरचा (Mrunal Thakur) 'सन ऑफ सरदार २' आणि सिद्धांत चतुर्वेदी- तृप्ती डिमरीचा (Tripti Dimri) 'धडक 2' दोन्ही चित्रपट 1 ऑगस्टला रिलीज झाले आहेत. दोन्ही चित्रपटांचे बॉक्स ऑफिस कलेक्शन जाणून घेऊयात.

'सन ऑफ सरदार 2' बॉक्स ऑफिस कलेक्शन दिवस 2

मीडिया रिपोर्टनुसार, 'सन ऑफ सरदार 2'ने पहिल्या दिवशी 7.25 कोटींची कमाई केली आहे. तर दुसऱ्या दिवशी 7.50 कोटी कमावले आहेत. दोन दिवसांत चित्रपटाचे एकूण कलेक्शन 14.75 कोटी रुपये झाले आहे.

'धडक 2' बॉक्स ऑफिस कलेक्शन दिवस 2

मीडिया रिपोर्टनुसार, 'धडक 2' चित्रपटाने पहिल्या दिवशी 3.35 कोटींचा व्यवसाय केला आहे. चित्रपटाने दुसऱ्या दिवशी 3.75 कोटी रुपये कमावले. दोन दिवसांत चित्रपटाचे एकूण कलेक्शन 7.25 कोटी रुपये झाले आहे. 'सन ऑफ सरदार 2'ने 'धडक 2'ला कलेक्शनमध्ये मागे टाकले आहे. त्यामुळे 'धडक 2' रविवारी किती कमाई करतो, हे पाहणे महत्त्वाचे ठरणार आहे.

'सन ऑफ सरदार 2' स्टारकास्ट

'सन ऑफ सरदार 2'मध्ये अजय देवगण, मृणाल ठाकूरसोबत नीरू बाजवा, विंदू दारा सिंह, रवी किशन आणि शरत सक्सेना हे कलाकार झळकले आहेत. 'सन ऑफ सरदार 2'हा 2012 साली रिलीज झालेल्या 'सन ऑफ सरदार'चा सीक्वल आहे. चित्रपटात भरपूर ॲक्शन, कॉमेडी आणि ड्रामा पाहायला मिळत आहे.

'धडक 2'

'धडक 2' हा रोमँटिक ड्रामा आहे. 'धडक 2' चित्रपटाचे दिग्दर्शन शाजिया इकबाल हिने केले आहे. 'धडक 2' हा चित्रपट 2018 साली रिलीज झालेल्या 'धडक'चा सीक्वल आहे.