काल राज्यभरात छत्रपती शिवाजी महाराजांची ३९४ वी जयंती मोठ्या धुमधडाक्यात पार पडली. वेगवेगळ्या शहरांमध्ये, जिल्ह्यांमध्ये आणि खेडे गावांमध्ये शिवजयंतीनिमित्त अनेक कार्यक्रमांचे आयोजन करण्यात आले होते. त्यातीलच एका कार्यक्रमामध्ये मराठमोळी अभिनेत्री प्रार्थना बेहरे हिने उपस्थिती लावली होती. यावेळी तिने शिवप्रेमींना शुभेच्छा देताना महाराजांचा एकेरी उल्लेख केला होता. त्यामुळे अनेकांच्या भावना दुखावल्या होत्या. त्यामुळे सोशल मीडियाच्या माध्यमातून तिला शिवप्रेमींनी तुफान ट्रोल केलं होतं. त्यानंतर अभिनेत्रीने तातडीने शिवप्रेमींची माफी मागितली.
तिचा हा व्हिडीओ सोशल मीडियावर जोरदार व्हायरल झाला होता. अभिनेत्रीने शिवजयंतीचे निमित्त साधत लातूर जिल्ह्यातील उदगीरमधील एका मॉलच्या उद्घाटनाला उपस्थिती लावली होती. यावेळी तिने शिवप्रेमींना शिवजयंतीच्या शुभेच्छा देताना छत्रपती शिवाजी महाराजांचा एकेरी उल्लेख केला होता. त्यामुळे तिला सोशल मीडियाच्या माध्यमातून तुफान ट्रोल केलं होतं. जुना व्हिडीओ सोशल मीडियावर जोरदार व्हायरल झाल्यानंतर अभिनेत्रीने एका वृत्तवाहिनीला मुलाखतीमध्ये शिवप्रेमींची माफी मागितली आहे.
“नमस्कार मी प्रार्थना बेहरे. छत्रपती शिवाजी महाराजांच्या जयंतीनिमित्त तुम्हा सर्वांना खूप खूप शुभेच्छा. आज मी उदगीर येथे किसान मॉलच्या उद्घाटनासाठी आले होते. तिथे आल्यावर माझ्याकडून चुकून काही बोलण्यात आले असेल तर त्याबद्दल मी तुम्हा सर्वांची माफी मागू इच्छिते. कृपा करून मला माफ करा. माझा बोलण्याचा उद्देश चुकीचा नव्हता. मी पुन्हा एकदा, छत्रपती शिवाजी महाराजांच्या जयंतीनिमित्त तुम्हा सर्वांना शुभेच्छा देते. छत्रपती शिवाजी महाराज की जय...” असं म्हणत प्रार्थनाने शिवभक्तांची माफी मागितली आहे.
प्रार्थना कायमच सोशल मीडियावर सक्रिय असते. महाराजांचा एकेरी उल्लेख केलेला व्हिडीओ इन्स्टाग्रामवर जोरदार व्हायरल झाल्यानंतर तिला शिवभक्तांनी तिच्या इन्स्टा पोस्टच्या माध्यमातून प्रचंड ट्रोल केले होते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.