Amaal Mallik: अमाल मलिकने केली 'ती' पोस्ट डिलीट; म्हणाला, 'मी नेहमीच माझ्या कुटुंबावर प्रेम करेन पण...'

Amaal Mallik deleted Post: गायक आणि संगीतकार अमाल मलिकने त्याच्या सोशल मीडियावरील पोस्ट डिलीट केली आहे ज्यात त्यांने डिप्रेशन आणि कुटुंबापासून दूर राहण्याच्या निर्णयाबद्दल उघडपणे सांगितले होते. संगीतकाराने आता एक नवीन पोस्ट शेअर केले आहे. यामध्ये त्याने त्याची भूमिका स्पष्ट केली आहे आणि माध्यमांना या प्रकरणाचे वृत्तांकन करताना सावधगिरी बाळगण्याची विनंती केली आहे.

त्याच्या इंस्टाग्राम स्टोरीजमध्ये अमालने मिळालेल्या पाठिंब्याबद्दल कृतज्ञता व्यक्त केली परंतु माध्यमांना या पोस्टचा चुकीचा अर्थ काढू नटे असा सल्ला दिला आहे. त्याने लिहिले, "मला दिलेल्या प्रेम आणि पाठिंब्याबद्दल धन्यवाद; तुमचा पाठिंबा माझ्यासाठी खूप महत्वाचा आहे. परंतु मी मीडिया पोर्टल्सना विनंती करेन की त्यांनी माझ्या कुटुंबाला त्रास देऊ नये. कृपया माझ्या असुरक्षिततेला बातमीच स्वरूप देऊ नये आणि नकारात्मक मथळे छापू नये.ही एक विनंती आहे. मला पुन्हा सारखं नॉर्मल होण्यासाठी खूप वेळ लागला आहे आणि हा माझ्यासाठी खूप कठीण काळ आहे. मी नेहमीच माझ्या कुटुंबावर प्रेम करेन पण सध्या मला दूर राहूदे, माझ्या आणि अरमानमध्ये काहीही बदल झाला नाही आहे. आम्ही दोघे भाऊ आजही एकत्र आहोत प्रेम आणि शांती."

पण अमालने डिलिट केलेल्या पोस्टमध्ये, अमलने क्लिनिकल डिप्रेशनशी सामना करण्याबद्दल बोलले आणि त्याचा भाऊ अरमान मलिकसोबतच्या त्याच्या नात्याबद्दल सांगितले होते. त्याने सूचित केले की त्यांच्यातील वाढत्या भावनिक अंतराचे कारण त्यांचे पालक होते. त्यामुळे त्याने कुटुंबाशी असलेले संबंध केवळ व्यावसायिक बाबींपुरते मर्यादित ठेवण्याचा कठीण निर्णय घेतला.

अमाल म्हणाला, "आम्हा दोघांसाठीही हा प्रवास खूप छान होता, पण माझ्या आईवडिलांच्या कृतींमुळे आम्ही भाऊ म्हणून खूप दूर गेलो आहोत. या सर्व गोष्टींमुळे मी स्वतःसाठी पाऊल उचलले आहे, कारण त्यामुळे माझ्या मनावर खूप परिणाम झाला आहे. गेल्या काही वर्षांत, त्यांनी माझे काम बिघडवण्याची आणि माझे नातेसंबंध, माझी मानसिकता आणि माझा आत्मविश्वास कमी लेखण्याची एकही संधी सोडली नाही. खरोखर महत्त्वाचे म्हणजे या घटनांमुळे मी डिप्रेशनमध्ये गेलो होतो. असे त्याच्या मागील पोस्टमध्ये लिहिले होते.