Shyamchi Aai Teaser: 'श्यामची आई' चित्रपटाचा टीझर प्रदर्शित; दिवाळीत येतोय भेटीला

Shyamchi Aai Movie Teaser:

मराठी चित्रपटसृष्टीत अनेक बायोपिक प्रदर्शित झाले आहेत. अनेक मोठ्या व्यक्तींचे आयुष्य मोठ्या पडद्यावर दाखवण्यात आले आहे. असाच साने गुरुजींच्या आयुष्यावरील बायोपिक प्रेक्षकांच्या भेटीला येणार आहे. 'श्यामची आई' या चित्रपटाचा टीझर नुकताच प्रदर्शित झाला आहे. त्याचसोबत चित्रपटाच्या प्रदर्शनाची तारीख जाहीर केली आहे.

साने गुरुजींच्या आयुष्यावरील हा चित्रपट ब्लॅक अॅण्ड व्हाईट काळातील अनुभव देणारा आहे. चित्रपटाचा टीझर सर्वांनाच त्या गोल्डन एरात घेऊन जाणारा आहे.

टीझरमध्ये संपूर्ण साने कुटुंबिय एकत्र उभे असल्याचे दिसत आहे. फॅमिली फोटोसोठी हे सर्वजण पोझ देत आहे. हा टीझर संपूर्णपणे ब्लॅक अॅण्ड व्हाईट आहे. त्यामुळे त्या काळात गेल्यासारखा भास होत आहे. टीझर सुरु होताच 'भरजरी गं पितांबर' हे गाण सुरु होतं. हे गाणे त्या काळात गेल्यासारखा अनुभव देत आहे.

'श्यामची आई' चित्रपटाचा टीझर पाहताच अनेक वर्षांपूर्वीचा काळ डोळ्यांसमोर उभा राहतो. साने गुरुजींच्या आयुष्यावरचा हा बायोपिक त्यांच्या आयुष्यातील सर्व रहस्य उलगडणारा आहे. त्यामुळे साने गुरुजींची कथा मोठ्या पडद्यावर पहिल्यांदा दिसणार आहे. चित्रपटाच्या प्रदर्शणाची घोषणा करण्यात आली आहे. दिवाळीच्या शूभमुहूर्तावर १० नोव्हेंबरला चित्रपट प्रेक्षकांच्या भेटीला येणार आहे.

चित्रपटात साने गुरुजींची भूमिका ओम भूतकर साकरणार आहे. याचसोबत गौरी देशपांडे, शर्व गाडगीळ, संदीप पाठक, ज्योती चांदेकर, सारंग साठ्ये, उर्मिला जगतार, अक्षया गुरव, दिशा काटकर, मयुर मोरे, गंधार जोशी, अनिकेत सागवेकर हे कलाकार दिसणार आहेत.