Shreyas Talpade: स्क्रिप्टमध्ये नसलेला झुकेगा नहीं साला डायलॉग अचानक सिनेमात कसा आला? श्रेयसनेच सांगितलं गोडगुपित

Shreyas Talpade Told Story Behind Pushpa: पुष्पा चित्रपट आणि त्यातील डायलॉग यांची क्रेझ आजही प्रेक्षकांमध्ये पाहायला मिळत आहे. सुकुमार दिग्दर्शित 'पुष्पा: द राइज' या ब्लॉकबस्टर चित्रपटाने अल्लू अर्जुनला एक नवीन ओळख दिली.

या चित्रपटाने 'पुष्पा झुकेगा नही' आणि 'फ्लॉवर नहीं, फायर है मैं' सारखे अनेक डायलॉग्स सोबतच 'ओ अंटावा' आणि 'श्रीवल्ली' सारख्या दमदार गाण्यांनाही दिले. या चित्रपटतात हे हिट डायलॉग मूळ तेलुगू चित्रपट नव्हते.

पुष्पा चित्रपटातील सर्व हिट डायलॉग चित्रपटाचे हिंदीत डबिंग करताना तयार झाले. 'पुष्पा: द राइज'च्या हिंदी व्हर्जनमध्ये अभिनेता श्रेयस तळपदेने अल्लू अर्जुनला आवाज दिला आहे. श्रेयसने नुकत्याच एका मुलाखतीत धक्कादायक खुलासा केला आहे. डबिंग करताना मूळ संवादांवर बरीच सुधारणा केल्याचे त्यांनी स्पष्ट केले.

मूळ चित्रपटात डबिंग करताना शाब्दिक भाषांतर केले जात नसल्याचा खुलासा श्रेयसने केला आहे. अल्लू अर्जुनच्या लोकप्रिय डायलॉगचा शाब्दिक अनुवाद 'पुष्पा जायेगा नही' असा होता पण तो अधिक प्रभावी करण्यासाठी आम्ही तो 'पुष्पा झुकेगा नहीं' बनवला आणि मग हा डायलॉग किती लोकप्रिय झाला हे तुम्हा सर्वांना माहीतच आहे.

श्रेयस तळपदेने सांगितले की, चित्रपटाचा आणखी एक आयकॉनिक डायलॉग म्हणजे 'फूल नहीं, फायर है में' मूळ चित्रपटात नव्हता. डबिंग करताना आम्ही बदल केले आणि वर्षभरानंतरही लोक हा डायलॉग बोलत आहेत. आमचा उद्देश हाच होता की शाब्दिक भाषांतर करण्याऐवजी पात्राचे सार टिकवून ठेवेल आणि प्रेक्षकांच्या लक्षात राहील असेच भाषांतर करावे.